മലയാളത്തിന്റെ സ്വന്തം അമ്മ കവിയൂര്‍ പൊന്നമ്മ കന്നി വോട്ട് ചെയ്യുന്നതിന്റെ സന്തോഷത്തിലാണ്. ഇലക്ഷനെയും രാഷ്ട്രീയത്തിനെയും കുറിച്ച് പൊന്നമയ്ക്ക് പറയാന്‍ ഒരുപാടുണ്ട്. അഴിമതിയൊന്നും ഇല്ലാത്ത നല്ല രീതിയിലുള്ള രാഷ്ട്രീമാണ് ആഗ്രഹിക്കുന്നതെന്നും പൊന്നമ്മ പറയുന്നു. പൊന്നമ്മയ്ക്ക് ഇപ്പോള്‍ 70 വയസായി.

ഈ കാലമത്രയും സെറ്റുകളില്‍ നിന്ന് സെറ്റുകളിലേക്കുള്ള യാത്രയിലായിരുന്നു. അതിനിടയില്‍ വോട്ടേഴ്‌സ് ലിസ്റ്റില്‍ പേര് ചേര്‍ക്കാനൊക്കെ എവിടെയാ സമയം. 38വര്‍ഷം ചെന്നൈയിലായിരുന്നു താമസം. 12 വര്‍ഷമായിട്ടേ ഉള്ളൂ ആലുവയിലെ വീട്ടില്‍ താമസമാക്കിയിട്ട്. എന്തായാലും ഇത്തവണ വോട്ടുചെയ്യാന്‍ തന്നെ തീരുമാനിച്ചു പൊന്നമ്മ.

പഞ്ചായത്ത് തെരഞ്ഞെടുപ്പിന്റെ തൊട്ടു മുമ്പാണ് വോട്ടേഴ്‌സ് ലിസ്റ്റില്‍ പേര് ചേര്‍ത്തത്. സിനിമാതിരക്കിലായാലും രാഷ്ട്രീയകാര്യങ്ങളൊക്കെ കൃത്യമായി ശ്രദ്ധിക്കാറുള്ള പൊന്നമ്മ 70 വയസ്സിലും പതിനെട്ടുകാരിയുടെ ആവേശത്തോടെയാണ് വോട്ട് ചെയ്യാന്‍ പോകുന്നത്.

ആദ്യമായി വോട്ടുചെയ്യാന്‍ പോകുവാണല്ലോ എന്ന് ആലോചിക്കുമ്പോള്‍ സന്തോഷമുണ്ട്. ഭരിക്കാന്‍ ആര്‍ക്കാണു സമയം. അങ്ങോട്ടുമിങ്ങോട്ടും കുറ്റംപറയലാണ്. ബീഫ് വിവാദത്തെക്കുറിച്ചു ചോദിച്ചപ്പോള്‍ പൊന്നമ്മയുടെ മറുപടി ഇങ്ങനെ, കൊല്ലുന്നതിന് എതിര്‍പ്പാണ്. കഴിക്കന്നതിന് ആഗ്രഹമുള്ളവര്‍ കഴിക്കുകയോ അല്ലാതിരിക്കുകയോ ചെയ്യട്ടെയെന്നും പൊന്നമ്മ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha