മലയാളത്തിലെ എക്കാലത്തെയും മികച്ച പ്രണയ ജോഡികളില്‍ ഒന്നാണ് ദിലീപ്കാവ്യാ ജോഡികള്‍. മലയാളികള്‍ ഏറെ നെഞ്ചിലേറ്റിയ താര ജോഡികളാണ് ഇവരുടേത്. അടൂര്‍ ഗോപാലകൃഷ്ണന്‍ ദിലീപിനെ നായകനാക്കി ഒരുക്കുന്ന ആദ്യ ചിത്രത്തില്‍ അതുകൊണ്ടു തന്നെയാണ് ഇവരെ തന്നെ തിരഞ്ഞെടുത്തതും. നിരവധി ചിത്രങ്ങളില്‍ ഇവര്‍ ഒന്നിച്ചഭിനയിച്ചെങ്കിലും നീണ്ട ഇടവേളയ്ക്കു ശേഷം അടൂര്‍ ഗോപാലകൃഷ്ണന്റെ പിന്നെയും എന്ന ചിത്രത്തിലൂടെ ഇവര്‍ വീണ്ടും ഒന്നിക്കുകയാണ്. അക്കുഅക്ബര്‍ സംവിധാനം ചെയ്ത വെള്ളരിപ്രാവിന്റെ ചങ്ങാതികള്‍ എന്ന ചിത്രത്തിലാണ് അവസാനമായി ദിലീപ്കാവ്യ ജോഡികള്‍ അഭിനയിച്ചത്.

അടൂര്‍ ഗോപാലകൃഷ്ണന്റെ കരിയറിലെ പന്ത്രണ്ടാം ചിത്രത്തിന്റെ രചനയും സംവിധാനവും അടൂര്‍ തന്നെയാണ് നിര്‍വഹിക്കുന്നത്. നമ്മളൊക്കെ കോളേജില്‍ പോയ കാലമൊന്നുമല്ല, ഇപ്പോഴെല്ലാംതല തിരിഞ്ഞാ. അച്ഛനമ്മമാര്‍ പറയുന്നത് കേള്‍ക്കരുതെന്നാണ് ഇപ്പോഴത്തെ ആണ്‍പിള്ളേരും പെണ്‍പിള്ളേരും പറയുന്നത്. കെപിഎസ്‌സി ലളിതയുടെ ഈ ഡയലോഗ് സമകാലിക സമൂഹത്തിന്റെ കാഴ്ചപ്പാടുകള്‍ നമുക്ക് മുന്നിലേക്ക് കാണിച്ചു തരികയാണ്.
നെടുമുടി വേണു, വിജയരാഘവന്‍, ഇന്ദ്രന്‍സ്, കെപിഎസി ലളിത, നന്ദു, ശ്രിണ്ഡ, രവി വള്ളത്തോള്‍, പ്രൊഫ: അലിയാര്‍, പി.ശ്രീകുമാര്‍, സുധീര്‍ കരമന എന്നിവര്‍ മറ്റ് കഥാപാത്രങ്ങളെ അവതരിപ്പിക്കും. പ്രശസ്ത മറാഠി താരം സുബോധ് ഭാവെ ഒരു പ്രധാന വേഷത്തില്‍ എത്തുന്നുണ്ട്. ഓഗസ്റ്റ് 18 റിലീസ് ചെയ്യുന്ന ചിത്രത്തിന്റെ ട്രെയ്‌ലര്‍ പുറത്തിറങ്ങി