ദിവ്യാ ഉണ്ണിയുടെ വിവാഹ മോചനത്തിനു പിന്നിലെന്താണ് ?
മുന്കാല മലയാള സിനിമയിലെ മുന് നിര നായികമാരിലൊരാളായിരുന്ന ദിവ്യാ ഉണ്ണിയുടെ വിവാഹ മോചന വാര്ത്തകള് കഴിഞ്ഞ ദിവസം പുറത്തു വന്നിരുന്നു. ഡോ. സുധീര് ശേഖരനുമായുള്ള വിവാഹ ജീവിതം അവസാനിപ്പിക്കുകയാണെന്നു ദിവ്യാ ഉണ്ണി തന്നെയാണ് ഒരു അഭിമുഖത്തില് പറഞ്ഞത്. എന്നാല് ഇതിനുണ്ടായ കാരണം വ്യക്തമാക്കിയിരുന്നില്ല.
ഭര്ത്താവ് സുധീര് ശേഖരനുമായുണ്ടായിരുന്ന ഈഗോ ക്ലാഷാണ് വിവാഹ മോചനത്തിലേക്കു നയിച്ചതെന്ന് ദിവ്യ ഉണ്ണിയുമായി അടുപ്പമുള്ള വൃത്തങ്ങള് അറിയിച്ചു. ദിവ്യാ ഉണ്ണി അമേരിക്കയില് നടത്തി വരുന്ന ഡാന്സ് സ്കൂളിന്റെ പ്രവര്ത്തനവുമായി ബന്ധപ്പെട്ട് ദിവ്യാ ഉണ്ണി തിരക്കിലായത് സുധീറിന് ഇഷ്ടപ്പെടാത്തതും, മൂന്ന് ശാഖകളുണ്ടായിരുന്ന സ്കൂളുകള് അടച്ചു പൂട്ടണമെന്നുമുള്ള സുധീറിന്റെ വാശിയുമാണ് വിവാഹ മോചനത്തിലേക്കു നയിച്ചതെന്നാണ് അറിയാന് കഴിയുന്നത്.
2002 ലാണ് ദിവ്യാ ഉണ്ണിയുടെയും സുധീറിന്റെയും വിവാഹം കഴിഞ്ഞത്. തുടര്ന്ന് അമേരിക്കയില് സ്ഥിര താമസമാക്കിയ ദിവ്യാ ഉണ്ണി ഡാന്സ് സ്കൂളുകള് നടത്തുന്നതിലും, ഡാന്സ് പരിപാടികള് നടത്തുന്നതിലും സജീവമായിരുന്നു. കഴിഞ്ഞ ദിവസം ദിവ്യാ ഉണ്ണി അതിഥിയായെത്തിയ ഒരു ചാനല് ഷോയിലാണ് അമേരിക്കന് ജീവിതം അവസാനിപ്പിച്ച് കേരളത്തില് സ്ഥിര താമസമാക്കുമെന്നും മലയാള സിനിമയില് സജീവമാകാന് ഉദ്ദേശിക്കുന്നു എന്നും പറഞ്ഞത്.
https://www.facebook.com/Malayalivartha
