ശരണ്യ വീണ്ടും തിരിച്ചുവരും. ട്യൂമര്‍ രോഗം ബാധിച്ച സീരിയല്‍ സിനിമാ നടി ടി ശരണ്യ ശശി ശാരു മൂന്നാമത്തെ ശസ്ത്രക്രിയയ്ക്കു വിധേയയാകുന്നുവെന്ന് കുറച്ചു ദിവസങ്ങള്‍ക്ക് മുന്‍പ് താരം ഫെയ്‌സ്ബുക്കിലൂടെ പറഞ്ഞിരുന്നു. തന്റെ ശസ്ത്രക്രിയ വിജയകരമായിരുന്നുവെന്നും എല്ലാവരുടെ പ്രാര്‍ത്ഥനയ്ക്കും പിന്തുണയ്ക്കും നന്ദിയുണ്ടെന്നും ശരണ്യ അറിയിച്ചു.
ആഗസ്റ്റ് ആറിനാണ് നടിയെ ശസ്ത്രക്രിയയ്ക്ക് വേണ്ടി ആശുപത്രിയില്‍ പ്രവേശിച്ചത്. ട്യൂമറിനുള്ള മൂന്നാമത്തെ ശസ്ത്രക്രിയായിരുന്നു ഇത്. സീരിയലുകളില്‍ സജീവമായിരുന്ന സമയത്താണ് നടിയ്ക്ക് ട്യൂമറിന്റെ ആദ്യ ലക്ഷണങ്ങള്‍ കണ്ടു തുടങ്ങിയത്. പിന്നീട് നാട്ടിലെത്തി ഡോക്ടറെ കണ്ട് പരിശോധനകള്‍ നടത്തിയപ്പോഴാണ് അറിയുന്നത് ട്യൂമറാണെന്ന്. രണ്ടാമത്തെ സര്‍ജറിയില്‍ നല്ല പേടി തോന്നിയിരുന്നതായി നടി പറഞ്ഞിരുന്നു. ചിലപ്പോള്‍ തളര്‍ച്ച സംഭവിച്ചേക്കുമെന്നായിരുന്നു ഡോക്ടര്‍ പറഞ്ഞത്. എന്നാല്‍ എല്ലാവരുടെയും പ്രാര്‍ത്ഥനകൊണ്ട് അന്നും ശസ്ത്രക്രിയ വിജയകരമായിരുന്നുവെന്ന് ശരണ്യ പറഞ്ഞു.