തെന്നിന്ത്യന്‍ സിനിമയിലെ മെഗാതാരങ്ങളായി അറിയപ്പെട്ട് നിരവധി വേദികളില്‍ ഒന്നിച്ച മമ്മൂട്ടിയും ചിരഞ്ജീവിയും ആദ്യമായി കണ്ടുമുട്ടിയതും പരിചയപ്പെട്ടതും സോമന്‍ അമ്പാട്ട് സംവിധാനം ചെയ്ത ' ആയിരം അഭിലാഷങ്ങള്‍ ' എന്ന ചിത്രത്തിന്റെ ഷൂട്ടിംഗ് നടക്കുമ്പോഴായിരുന്നു. മദ്രാസിലെ വിജയാ ഗാര്‍ഡനില്‍ മമ്മൂട്ടിയുടെ ചിത്രത്തിന്റെ ഷൂട്ടിംഗ് നടക്കുമ്പോള്‍ തൊട്ടപ്പുറത്തെ സെറ്റില്‍ ചിരഞ്ജീവി നായകനും മാധവിനായികയുമായ ' ചട്ടമതോ പോരാട്ടം ' എന്ന തെലുങ്ക് ചിത്രത്തിന്റെ ഷൂട്ടിങ്ങും നടക്കുന്നുണ്ടായിരുന്നു.

മമ്മൂട്ടി സിനിമയില്‍ വന്നിട്ട് 4ഓളം വര്‍ഷമായെങ്കിലും ചിരഞ്ജീവിയേ നേരിട്ട് പരിചയമില്ലായിരുന്നു, അതിനാല്‍ തന്നെ മമ്മൂട്ടിക്ക് ചിരഞ്ജീവി പരിചയപ്പെടണമെന്ന് ഒരാഗ്രഹം. അതിനു പരിഹാരം കണ്ടെതാവട്ടെ പഴയകാല സൂപ്പര്‍ നായിക മേനകയും.

ഒരു ദിവസം മമ്മൂട്ടി മേനകയുടെ അടുത്ത് വന്നു ചോദിച്ചു: ''മേനകാ നിങ്ങള്‍ ചിരഞ്ജീവി യുടെ കൂടെ അഭിനയിച്ചതല്ലേ '' എനിക്ക് അദ്ധേഹത്തെ ഒന്ന് പരിചയപ്പെടുത്തി തരുമോ ? ചിത്രീകരണത്തിന്റെ ഇടവേളയില്‍ ലഭിച്ച സമയത്ത് മേനക മമ്മൂട്ടിയേയും കൂട്ടി ചിരഞ്ജീവി ചിത്രത്തിന്റെ സെറ്റിലേക്ക് പോയി മമ്മൂട്ടിയേയും ചിരഞ്ജീവിയേയും പരസ്പ്പരം പരിചയപ്പെടുത്തി. പിന്നീട് തെന്നിന്ത്യന്‍ സിനിമയിലെ മെഗാതാരങ്ങളായി അറിയപ്പെട്ട് നിരവധി വേദികളില്‍ ഒന്നിച്ച മമ്മൂട്ടിയും ചിരഞ്ജീവിയും ആദ്യമായി കണ്ടുമുട്ടിയതും പരിചയപ്പെട്ടതും അന്ന് മദ്രാസിലെ വിജയാ ഗാര്‍ഡനില്‍ വച്ചായിരുന്നു.