മോഹന്ലാലിനെ ചെറുക്കാന് തെലുങ്ക് ലോബി
വിസ്മയത്തിന്റെ തെലുങ്ക് പതിപ്പ് വിജയകരമായി മുന്നേറുമ്പോള് മോഹന്ലാലിനെ തകര്ക്കാന് തെലുങ്കാനയിലെ സിനിമാ ലോബി ശ്രമിക്കുന്നതിനായി റിപ്പോര്ട്ടുകള്. സിനിമയില് മോഹന്ലാല് തെലുങ്ക് സംസാരിക്കുന്നത് ശരിയാവില്ലെന്നാണ് പ്രധാന ആരോപണം. 70 മണിക്കൂറെടുത്താണ് ലാല് തെലുങ്ക് പഠിച്ചത്. ഒരു സിനിമയ്ക്ക് വേണ്ടി എന്തു ത്യാഗം സഹിക്കാനും മോഹന്ലാല് തയ്യാറാണ്. ഒറിജിനലായി തനിക്ക് തെലുങ്ക് സംസാരിക്കാന് കഴിയണമെന്ന വാശി ലാലിനുണ്ടായിരുന്നു.
മോഹന്ലാലിന്റെ കടന്നുവരവ് തെലുങ്ക് ലോബിക്ക് ഇഷ്ടപ്പെട്ടില്ല. മലയാളത്തില് നിന്നും തികച്ചും വ്യത്യസ്തമാണ് തെലുങ്കിലെ രീതി. തെലുങ്കില് സൂപ്പര്താരങ്ങളോട് സംവിധായകര്ക്ക് പോലും സംസാരിക്കാന് കഴിയാറില്ല. മലയാളത്തില് ചിത്രീകരണം ആരംഭിച്ചശേഷവും ആരോട് വേണമെങ്കിലും സംസാരിക്കാം. തെലുങ്കില് സൂപ്പര് താരങ്ങള്ക്ക് ഇടനിലക്കാരുണ്ട്. അവര് മുഖേന വേണം സൂപ്പര്താരങ്ങളോട് സംവിധായകര്ക്കു പോലും സംസാരിക്കേണ്ടത്.
മോഹന്ലാലാകട്ടെ എല്ലാവരുടെയും തോളില് കൈയിട്ടാണ് സംസാരിക്കാറുള്ളത്. ഇത് തെലുങ്കിലെ പല പ്രധാന താരങ്ങള്ക്കും രസിച്ചില്ല. സാധാരണ ഗതിയില് വേഗത്തിലാണ് തെലുങ്ക് സംസാരിക്കാറുള്ളത്. എന്നാല് മോഹന്ലാല് അദ്ദേഹത്തിന്റെ സ്വതസിദ്ധമായ ശൈലിയിലാണ് ചിത്രത്തില് സംസാരിക്കുന്നത്. ഓരോ തെലുങ്ക് വാക്കിന്റെയും അര്ത്ഥം കൃത്യമായി ഉള്ക്കൊണ്ടാണ് അദ്ദേഹം സംസാരിക്കാറുള്ളത്. തെലുങ്ക് മാതൃഭാഷയല്ലാത്ത ഒരാള് സംസാരിക്കുമ്പോള് അതിന്റേതായ ബുദ്ധിമുട്ട് അനുഭവപ്പെടുന്നത് സ്വാഭാവികം മാത്രമാണ്. തെലുങ്കിലെ ചില പത്രങ്ങള് വിസ്മയത്തിന്റെ തെലുങ്ക് പതിപ്പിലുള്ള ഡബ്ബിംഗിനെതിരെ രംഗത്തു വന്നിരുന്നു, തെലുങ്ക് സിനിമാക്കാരാണ് ഇതിനു പിന്നിലെന്ന് ആരോപണം ഉയര്ന്നിട്ടുണ്ട്.
എന്നാല് ചിത്രത്തിനെതിരെ ഒരു കോണില് നിന്നും ആക്ഷേപമുണ്ടായിട്ടില്ലെന്നാണ് അണിയറപ്രവര്ത്തകര് പറയുന്നത്. അപശബ്ദങ്ങള് ഉയര്ന്നെങ്കിലും പിന്നീട് അതെല്ലാം അവസാനിച്ചതായും അവര് പറയുന്നു.
https://www.facebook.com/Malayalivartha
