കളം മാറ്റി ചവിട്ടി ഉണ്ണി മുകുന്ദന്
തൊട്ട പടങ്ങളെല്ലാം പൊട്ടിയതോടെ ഉണ്ണിമുകുന്ദന് മലയാളത്തില് സിനിമകളില്ലാതായി. ഇപ്പോള് തെലുങ്കില് വില്ലനായും ക്യാരക്ടര് റോളുകളും ചെയ്യുകയാണ്. അവസാനം റിലീസായ ഒരു മുറൈ വന്ത് പാര്ത്തായ മോശമില്ലാത്ത സിനിമയായിരുന്നു. എന്നാല് ഉണ്ണിമുകുന്ദന് ആയതിനാല് തിയറ്ററില് ആള് കയറിയില്ല. അവരുടെ രാവുകള് എന്ന സിനിമ പൂര്ത്തിയാകും മുമ്പ് നിര്മാതാവ് ആത്മഹത്യ ചെയ്തു. അതോടെ അതും ഒരു വഴിക്കായി. ഇക്കൊല്ലം ഇറങ്ങിയ സ്റ്റൈല് വലിയ പരാജയമായിരുന്നു. വിക്രമാദിത്യന് കണ്ടിട്ടാണ് തെലുങ്കില് ജനതാ ഗ്യാരേജിലേക്ക് വിളിച്ചത്. പക്ഷെ, വില്ലന് വേഷമാണ്. അതും മോഹന്ലാലിന് എതിരെ.
തെലുങ്കില് നായകനായി ബഗ്മതി എന്ന ചിത്രത്തില് അഭിനയിക്കുന്നുണ്ട്. അനുഷ്കാ ഷെട്ടിയാണ് നായിക. തെലുങ്കില് ആക്ഷനും പാട്ടുമാണ് പ്രധാനമായും വേണ്ടത്. അല്ലാതെ അഭിനയമല്ല. അതുകൊണ്ട് ഉണ്ണിമുകുന്ദന് അവിടെ ശോഭിക്കാനാവും എന്നാണ് സിനിമാ ലോകം വിലയിരുത്തുന്നത്. മലയാളത്തില് അഭിനയമില്ലാതെ ഒരാള്ക്കും ഏറെക്കാലം പിടിച്ച് നില്ക്കാനാവില്ല. അല്ലെങ്കില് നല്ല സ്റ്റോറി സെന്സെങ്കിലും വേണം. അനരാഗകരിക്കിന്വെള്ളം ഹിറ്റായതോടെ ആസിഫ് അലി രക്ഷപെട്ടു. ഇവര് രണ്ട് പേരുമായിരുന്നു മലയാളത്തിലെ പരാജയ നായകന്മാര്.
മമ്മൂട്ടി തന്റെ സിനിമകളില് സൈഡ് വേഷം ചെയ്യാന് ഉണ്ണിയെ പലപ്പോഴും വിളിച്ചിട്ടുണ്ട്. എന്നാല് നായകനായതോടെ ഉണ്ണി അതിനിപ്പോള് വലിയ താല്പര്യം കാട്ടാറില്ല. മലയാളത്തില് നല്ല കഥകളും സംവിധായകരും നിര്മാതാക്കളും ഉണ്ടെങ്കിലേ അഭിനയിക്കൂ എന്ന നിലപാടിലാണ് താരം. അതേസമയം ബിസിനസ് നടക്കാത്തതിനാല് പ്രമുഖ നിര്മാതാക്കള് ഉണ്ണിയെ വെച്ച് പടം ചെയ്യാനും തയ്യാറല്ല.
https://www.facebook.com/Malayalivartha
