ഇപ്പോഴിതാ വിവാഹമോചനത്തിന് ശേഷം അമല മാധ്യമങ്ങളോട് മനസ്സ് തുറക്കുന്നു. എപ്പോഴും സന്തോഷവതിയായിരിക്കാനാണ് ആഗ്രഹിക്കുന്നതെന്നും അതാണ് തന്റെ ജീവിത വിജയമെന്നും അമല പറയുന്നു.
യഥാര്‍ത്ഥ സന്തോഷം പുറത്തുനിന്നല്ല ഉള്ളില്‍ നിന്നാണ് ലഭിക്കുന്നത്. അത് സ്വയം കണ്ടെത്തണം. ഒരുദിവസം തുടങ്ങുന്നതിന് മുമ്പേ സ്വയം ഒരു ആത്മപരിശോധന ഞാന്‍ നടത്താറുണ്ട്. പിന്നെ നടക്കാന്‍ ഒരുപാട് ഇഷ്ടമാണ്. മാത്രമല്ല ഇഷ ഫൗണ്ടേഷനില്‍ നിന്നും അഭ്യസിച്ച കുറച്ച് ക്രിയകളും ഇപ്പോള്‍ പരിശീലിക്കുന്നുണ്ട്. അതെന്റെ ശരീരത്തെയും മനസ്സിനെയും കൂടുതല്‍ ചെറുപ്പമാക്കുന്നു. അമല പറഞ്ഞു,.

ഇപ്പോള്‍ നടന്ന വിവാഹമോചനവും തുടര്‍ന്നുണ്ടായ സംഭവവികാസങ്ങളും എങ്ങനെ തരണം ചെയ്തുവെന്നും അമല പറയുകയുണ്ടായി. ഈ വിഷയത്തില്‍ സഹോദരന്‍ അഭിജിത് പോള്‍ ആണ് അമലയ്ക്ക് താങ്ങും തണലുമായത്. അഭിജിത്തിനെ ഒരുപാട് ഇഷ്ടപ്പെടുന്നുവെന്നും ഞങ്ങള്‍ തമ്മില്‍ നല്ലൊരു സഹോദരീ–സഹോദരബന്ധമാണ് പുലര്‍ത്തുന്നതെന്നും അമല പറയുന്നു. മാത്രമല്ല അവനില്ലാതെ തനിക്ക് ജീവിക്കാനാവില്ലെന്നും അമല കൂട്ടിച്ചേര്‍ത്തു.

വിവാഹശേഷവും സിനിമയില്‍ അഭിനയിക്കാനുള്ള നടിയുടെ ആഗ്രഹമാണ് അമലയുടെയും വിജയ്‌യുടെയും ജീവിതത്തില്‍ വിള്ളലുണ്ടാക്കിയതെന്ന് വാര്‍ത്ത വന്നിരുന്നു. അതിനെക്കുറിച്ചും അമല പ്രതികരിച്ചു. വിവാഹശേഷം എന്തിനാണ് നടികള്‍ അവരുടെ കരിയറില്‍ നിന്ന് പുറകോട്ട് പോകുന്നത്. അങ്ങനെ ഒന്നില്ല. അത് ഒരാളുടെ കഴിവാണ്. അമല വ്യക്തമാക്കി.

തന്റെ ഭാവിപദ്ധതികളും അപ്രതീക്ഷിതമായിരിക്കുമെന്ന് താരം പറയുന്നു. ഇതുവരെ അങ്ങനെ തന്നെ. അതില്‍ നല്ലതും ചീത്തയുമുണ്ടാകാം. സിനിമയില്‍ തുടരും, വിവാഹം കഴിക്കും, വിവാഹമോചിതയാകും, ഇപ്പോള്‍ ഈ അഭിമുഖം തരുന്നു, അങ്ങനെ ഈ പട്ടിക തുടര്‍ന്നുകൊണ്ടേയിരിക്കും. എന്നെ അതിശയിപ്പിക്കുന്ന കഥാപാത്രങ്ങള്‍ വന്നാല്‍ അഭിനയിക്കുക. അത് മാത്രമാണ് ഇപ്പോള്‍ ചെയ്തുകൊണ്ടിരിക്കുന്നത്. അമല പറഞ്ഞു.എ എല്‍ വിജയ്‌യുടെ പുതിയ ചിത്രവും റിലീസിനൊരുങ്ങുകയാണ്. ഡെവിള്‍ എന്നുപേരിട്ടിരിക്കുന്ന ചിത്രത്തില്‍ പ്രഭുദേവയാണ് നായകന്‍. മറ്റൊരു കാര്യം കൂടിയുണ്ട്. ഈ സിനിമയില്‍ വില്ലനായി എത്തുന്നത് അമല പോളിന്റെ സഹോദരനായ അഭിജിത്ത് പോള്‍ ആണ്.