ബിജോയ് നമ്പ്യാര് മലയാളത്തിലേക്ക്, നായകന് ദുല്ക്കര് സല്മാന്
തന്റേതായ സിനിമാശൈലിയിലൂടെ ബോളിവുഡിലും കോളിവുഡിലും വ്യക്തിമുദ്ര പതിപ്പിച്ച സംവിധായകനാണ്
ബിജോയ് നമ്പ്യാര്. അദ്ദേഹം മലയാളത്തിലേയ്ക്ക് ചുവടുവയ്ക്കാനൊരുങ്ങുന്നു. ദുല്ക്കര് സല്മാനെ നായകനാക്കിയാണ് മലയാളികൂടിയായ ബിജോയ് തന്റെ ആദ്യമലയാളചിത്രം സംവിധാനം ചെയ്യാന് ഒരുങ്ങുന്നത്. ഒക്ടോബറിലായിരിക്കും സിനിമയുടെ ചിത്രീകരണം ആരംഭിക്കുക.
ബിജോയ്യുടെ തന്നെ നിര്മാണകമ്പനിയായ ഗെറ്റ്എവേ ഫിലിംസും അബാം ഫിലിംസും ചേര്ന്നാണ് നിര്മാണം. സിനിമയിലേയ്ക്കുള്ള മറ്റു താരങ്ങളെ തീരുമാനിച്ചുവരുന്നേയുള്ളു. ഇതുവരെ മലയാളത്തില് ഇറങ്ങിയ ചിത്രങ്ങളില് നിന്നും വ്യത്യസ്തമായൊരു അവതരണശൈലിയായിരിക്കും തന്റെ സിനിമ ഇറങ്ങുകയെന്ന് ബിജോയ് പറഞ്ഞു.
മണിരത്നത്തിന്റെ സംവിധാന സഹായിയായിരുന്ന ബിജോയ് നമ്പ്യാര് മോഹന്ലാല് അഭിനയിച്ച നിശബ്ദ ഹ്രസ്വചിത്രമായ റിഫ്ളക്ഷനിലൂടെയാണ് അരങ്ങേറ്റം കുറിച്ചത്. തുടര്ന്ന് മലയാളത്തില് ചെയ്ത രാഹു എന്ന ഹ്രസ്വചിത്രവും ഏറെ ശ്രദ്ധിക്കപ്പെട്ടു. ശൈതാനായിരുന്നു ആദ്യ ബോളിവുഡ് ചിത്രം.
വിക്രം, നീല് നിഥിന് മുകേഷ്, ജീവ എന്നിവരെ പ്രധാനകഥാപാത്രങ്ങളാക്കി തമിഴിലും ഹിന്ദിയിലുമായി ഡേവിഡ് എന്ന ചിത്രമൊരുക്കി. അമിതാഭ് ബച്ചന്, ഫര്ഹാന് അക്തര് എന്നിവര് പ്രധാനവേഷങ്ങളിലെത്തിയ വാസിര് ആണ് അവസാനമായി പുറത്തിറങ്ങിയ ചിത്രം.
https://www.facebook.com/Malayalivartha
