മകന്റെ നായിക ഇനി അച്ഛന്റെ കൂടെ, ദുല്ഖറിന്റെ നായികയോടൊപ്പം മമ്മൂക്കയുടെ പുതിയ ചിത്രം
പട്ടം പോലെ എന്ന ചിത്രത്തില് ദുല്ഖര് സല്മാന്റെ നായികയായാണ് പ്രശസ്ത ഛായാഗ്രാഹകന് മോഹന്റെ മകളായ മാളവിക വെള്ളിത്തിരയില് അരങ്ങേറ്റം കുറിച്ചത്. ചിത്രീകരണം പുരോഗമിക്കുന്ന ദി ഗ്രേറ്റ് ഫാദറിലാണ് മാളവിക അഭിനയിക്കുന്നത്. നടി തന്നെയാണ് മമ്മൂട്ടിക്കൊപ്പം അഭിനയിക്കുന്ന കാര്യം ഫെയ്സ്ബുക്കിലൂടെ ആരാധകര്ക്കായി പങ്കുവെച്ചത്.
ഹനീഫ് അദേനി സംവിധാനം ചെയ്യുന്ന ചിത്രം ഓഗസ്റ്റ് സിനിമയുടെ ബാനറില് പൃഥ്വീരാജ്, ഷാജി നടേശന്, സന്തോഷ് ശിവന്, ആര്യ എന്നിവര് ചേര്ന്നാണ് നിര്മ്മിക്കുന്നത്. ആര്യയാണ് ചിത്രത്തില് വില്ലന് വേഷത്തിലെത്തുന്നത്. പ്രതികാരം പ്രമേയമാകുന്ന ചിത്രത്തില് സ്നേഹയാണ് മമ്മൂട്ടിയുടെ നായികയാകുന്നത്. മമ്മൂക്കയുടെ ഏറ്റവും പുതിയ ആക്ഷന് ചിത്രം എന്ന നിലയില് വന് പ്രതീക്ഷയോടെയാണ് ആരാധകര് കാത്തിരിക്കുന്നത്. പ്രശസ്ത തമിഴ് നടന് ആര്യക്കും ആരാധകര് വേണ്ടുവോളം ഉള്ള കേരളത്തില് മമ്മൂക്കയുടെ വില്ലനായി വരുന്നത് കാണാന് ആകാംഷാഭരിതരാണ് മലയാളക്കര. മകന്റെ നായികയുമായി അഭിനയിക്കുന്നതു കാണാനും സിനിമാപ്രേമികള്ക്കു ആകാംഷയുണ്ടെന്നുറപ്പാണ്.
https://www.facebook.com/Malayalivartha
