പുലിമുരുകന് - മോഹന്ലാല് മാജിക്
മോഹന്ലാലിന്റെ അഭിനയ ജീവിതത്തിലെ ഏറ്റവും ചെലവേറിയ ചിത്രം പുലിമുരുകന് അദ്ദേഹത്തിന്റെ കരിയറിലെ വല്യ മാസ് എന്റര്ടെയ്നറാകുന്നു. ചിത്രത്തിലുടനീളം ലാല് മാജിക് നിറഞ്ഞ് നില്ക്കുന്നു. അറുപതിനോട് അടുക്കുന്ന താരം മെയ്വഴക്കത്തോടെയും തന്മയിത്വത്തോടെയും ചെയ്ത ആക്ഷന് രംഗങ്ങള് പുലിയുമായുള്ള ഫൈറ്റ് സ്വീക്വന്സുകള് എല്ലാം മലയാളസിനിമാ ചരിത്രത്തില് ഒരു വിസ്മയം തന്നെയാണ്. ഗിമ്മിക്സുകളൊന്നുമില്ലാതെ വൈശാഖ് ചിത്രം അവതരിപ്പിച്ചിരിക്കുന്നു. കഥയിലും തിരക്കഥയിലും പുതുമയില്ലെങ്കിലും മെയ്ക്കിംഗും മോഹന്ലാലിന്റെ ആക്ഷന് താണ്ഡവുമാണ് ചിത്രത്തെ പ്രേക്ഷകരിലേക്ക് ആകര്ഷിപ്പിക്കുന്നത്.
ഹോളിവുഡ് സ്റ്റണ്ട് മാസ്റ്റര് പീറ്റര് ഹെയിന് ഒരുക്കിയ ആക്ഷന് രംഗങ്ങള് ത്രില്ലടിച്ചാണ് പ്രേക്ഷകര് കാണുന്നത്. അമാനുഷികമായ സ്റ്റണ്ട് രംഗങ്ങള് വിശ്വസനീയമാംവിധമാണ് അവതരിപ്പിച്ചിരിക്കുന്നത്. ഛായാഗ്രഹന് ഷാജിയാണ് പുലിമുരുകന്റെ വലംകൈ. കാടിന്റെ വന്യതയും കാഴ്ചയും നാടിലെ ചതിക്കുഴികളും ഷാജി മനോഹരമായി ചിത്രീകരിച്ചിരിക്കുന്നു. പ്രത്യേകിച്ച് ലൈറ്റിംഗ്. പിന്നെ ഗോപി സുന്ദറിന്റെ പശ്ചാത്തല സംഗീതം. അതാണ് സംവിധായകന്റെ ഇടംകൈ. ആക്ഷന് സ്വീക്വന്സുകളെ ചടുലവും കുടുംബമുഹൂര്ത്തങ്ങളെ ആര്ദ്രവുമാക്കുന്ന ഗോപിയുടെ സംഗീതം. പൂയംകുട്ടി, വിയറ്റ്നാം എന്നിവിടങ്ങളിലാണ് സിനിമ ചിത്രീകരിച്ചത്.
22 കോടിയാണ് ചിത്രത്തിന്റെ നിര്മാണ ചെലവ്. അതില് പത്ത് കോടിയോളം രൂപ സാറ്റലൈറ്റ് വീഡിയോ ഇന്ത്യന് വീഡിയോ ഇനത്തില് ലഭിച്ചിട്ടുണ്ട്. ബാക്കിയുള്ള 12 കോടി തിയറ്ററില് നിന്ന് ലഭിക്കുമെന്ന് ഉറപ്പാണ്. ചിത്രത്തിന്റെ വിതരണാവകാശം നിര്മാതാവിനായതിനാല് ആ ഇനത്തില് കമ്മീഷന് നഷ്ടമാകില്ല. കമാലിനി മുഖര്ജി, വിനുമോഹന്, സുരാജ്, ബാല, ലാല് തുടങ്ങി വലിയ താരനിര തന്നെയുണ്ട് ചിത്രത്തില്. കേരളത്തില് 160തോളം കേന്ദ്രങ്ങളിലാണ് ചിത്രം പ്രദര്ശിപ്പിക്കുന്നത്.
https://www.facebook.com/Malayalivartha
