ഇറങ്ങും മുമ്പു തന്നെ ഏറെ ചര്‍ച്ചയ്ക്ക് വഴിതെളിച്ച സിനിമയാണ് പുലിമുരുകന്‍. സിനിമ ഇറങ്ങിയതിനു ശേഷവും അതിന്റെ പകിട്ടിന് മങ്ങലൊന്നും ഏറ്റിട്ടില്ല. കൂടിയതേയുള്ളു. ആരാധകരുടെ ഭാഗത്തും നിന്നും വളരെ നല്ല രീതിയിലുള്ള അഭിപ്രായങ്ങളാണ് പുലിമുരുകനെ പറ്റിയും പുലിമുരുകനായി അഭിനയിച്ച മോഹന്‍ലാലിനെ കുറിച്ചും പുറത്തുവരുന്നത്.

ഇപ്പോഴിതാ കോഴിക്കോട് കളക്ടര്‍ പ്രശാന്ത് നായരും സിനിമ കണ്ടതിനു ശേഷം മികച്ച അഭിപ്രായമാണ് പറയുന്നത്. ഒരു മാസ്സ് കമേഷ്യല്‍ പടം എന്നതിനെക്കാള്‍ നിലവാരമുള്ള സി.ജി. വര്‍ക്ക് പടത്തിന്റെ ഗുണനിലവാരം ഉയര്‍ത്തുന്നതിന്റെ നല്ല ഉദാഹരണമാണീ ചിത്രം. പടം ബ്രഹ്മാണ്ഡമാവാന്‍ ഫാന്റസി തന്നെ വേണമെന്നില്ല എന്നും ഈ ചിത്രം തെളിയിക്കുന്നുവെന്നാണ് കളക്ടര്‍ ബ്രോയുടെ വാദം.
അദ്ദേഹത്തിന്റെ പൂര്‍ണ പോസ്റ്റ് ഇങ്ങനെ..

'പുലി ഇറങ്ങി!
ഷൂട്ടിങ്ങിനിടയില്‍ ഒരു ദിവസം യദൃശ്ചയാ കണ്ടപ്പോള്‍ ലാലേട്ടന്‍ തന്നെയാണ് ഈ ചിത്രത്തിന്റെ മേക്കിംഗ് ഒരൊന്നൊന്നര മേക്കിങ്ങാണെന്ന് പറഞ്ഞത്. സ്റ്റണ്ട് സീനുകളെ പറ്റി അദ്ദേഹം പറഞ്ഞതൊക്കെ കൊഞ്ചം ഓവറല്ലെ എന്ന് പോലും തോന്നി.

ഹിന്ദിയിലും തെലുങ്കിലും ബിഗ് ബജറ്റ് ചിത്രങ്ങളില്‍ കാണാത്ത എന്ത് സ്റ്റണ്ട്? മഗധീരയും ബാഹുബലിയും കണ്ട മലയാളിയെ അതുക്കും മേലെ എന്ത് ബ്രഹ്മാണ്ഡ ചിത്രം കാണിക്കാന്‍? മനസ്സില്‍ ഇതൊക്കെ ആയിരുന്നു. ഇന്നിപ്പൊ ചിത്രം കണ്ടു. ലാലേട്ടന്‍ നൂറുശതമാനം ശരിയായിരുന്നു. ഒരു മാസ്സ് കമേഷ്യല്‍ പടം എന്നതിനെക്കാള്‍ നിലവാരമുള്ള സി.ജി. വര്‍ക്ക് പടത്തിന്റെ ഗുണനിലവാരം ഉയര്‍ത്തുന്നതിന്റെ നല്ല ഉദാഹരണമാണീ ചിത്രം.

പടം ബ്രഹ്മാണ്ഡമാവാന്‍ ഫാന്റസി തന്നെ വേണമെന്നില്ല എന്നും ഈ ചിത്രം തെളിയിക്കുന്നു. വൈശാഖ് എന്ന സംവിധായകനും ഷാജി കുമാറെന്ന ഛായാഗ്രാഹകനും ഭീകരന്മാരാണെന്ന് തെളിയിച്ചിരിക്കുകയാണ് സൂര്‍ത്തുക്കളേ!മോഹന്‍ലാല്‍ എന്ന ആക്ഷന്‍ ഹീറോയെ മൂന്നാം മുറയിലും അധിപനിലും കണ്ടപ്പൊ കുട്ടിക്കാലത്ത് തോന്നിയ ആ ത്രില്‍ ഇന്ന് പുലിമുരുകന്‍ കണ്ടപ്പൊ തോന്നി. അല്ല, അതുക്കും മേലെ തോന്നി. 'കുട്ടി' മോഹന്‍ലാലും കിഡു. ഇത് സൂപ്പര്‍ ഡൂപ്പര്‍ ഹിറ്റായില്ലെങ്കില്‍ പിന്നെ..'