പുലിമുരുഗന്‍ തീയേറ്ററുകളില്‍ തിമര്‍ത്ത് ഓടുകയാണ്. ഇന്ത്യയില്‍ 331 തിയേറ്ററുകളിലായാണ് ചിത്രം പ്രദര്‍ശനത്തിനെത്തിയത്.
ആരാധകരുടെ സിരകളെ ത്രസിപ്പിക്കുന്ന കടുവയുമായുള്ള പോരാട്ടമാണ്. ചിത്രത്തിന്റെ പ്രധാന ഹൈലൈറ്റ്. എന്നാല്‍ ഈ സിനിമയില്‍ മോഹന്‍ലാല്‍ ആരാധകരെ തെല്ല് അമ്പരപ്പിക്കുന്ന ഒരു സീനുണ്ട്. മലയാളികളുടെ പ്രിയപ്പെട്ട ലാലേട്ടനെ കമാലിനി ഉറക്കത്തില്‍നിന്നും തൊഴിച്ച് എഴുന്നേല്‍പ്പിക്കുന്ന ഒരു സീനുണ്ട് സിനിമയില്‍.

മുരുകനും ഭാര്യ മൈനയും തമ്മിലുള്ള സിനിമാ സീനുകളില്‍ പലതും ഇപ്പോള്‍ ഏതൊരു കുടുംബത്തിലും നടക്കുന്ന കാര്യങ്ങള്‍ തന്നെയാണ്. സ്വന്തം ഭര്‍ത്താവിനെ അന്യസ്ത്രീ അസൂയയോടെ നോട്ടമിടുന്നു എന്നു കണ്ടാല്‍ ഏതൊരു ഭാര്യയും ചെയ്യുന്ന കാര്യങ്ങളേ മൈനയും ചെയ്തുള്ളു. എന്നാലും മൈനയെ അവതരിപ്പിച്ച കമാലിനി മുഖര്‍ജ്ജീ... ഇങ്ങനെ ചെയ്യാമോ? അത് ഞങ്ങടെ ലാലേട്ടനല്ലേ? ഇത് ഇത്തിരി കടന്നു പോയില്ലേ എന്നാണ് മോഹന്‍ലാലിന്റെ ആരാധകരുടെ സംശയം? ഒരു പക്ഷേ, ലാലേട്ടനെ ചവിട്ടാനുള്ള ഭാഗ്യം ലഭിച്ച ഏക സിനിമാ നടിയായിരിക്കണം അന്യഭാഷാ സുന്ദരി കമാലിനി മുഖര്‍ജ്ജി.

പുലി മുരുകന്‍ പവര്‍പാക്ക്ഡ് ചിത്രമെന്ന് സംവിധായകന്‍ ബി ഉണ്ണികൃഷ്ണന്‍ പറയുന്നു. നൂറ് കോടി ക്ലബിലേക്ക് കടക്കുന്ന ആദ്യ മലയാള ചിത്രം പുലിമുരുകനാകാനുള്ള എല്ലാ സാധ്യതയുമുണ്ടെന്നും ബി ഉണ്ണികൃഷ്ണന്‍ തന്റെ ഫേസ് ബുക്ക് പോസ്റ്റിലൂടെ വ്യക്തമാക്കി.