ലാല്‍ ജൂനിയര്‍ ( ജീന്‍ പോള്‍ ലാല്‍) സംവിധാനം ചെയ്ത ഹണീ ബിയുടെ രണ്ടാം ഭാഗത്തിന്റെ ഷൂട്ടിംഗ് നവംബറില്‍ തുടങ്ങും. ആദ്യ ഭാഗത്തിലെ നായികാനായകന്മാരായ ഭാവനയും ആസിഫ് അലിയുമാണ് ഈ ചിത്രത്തിലുമെത്തുന്നത്.

ആദ്യഭാഗത്തിലെ മറ്റ് അഭിനേതാക്കളും ചിത്രത്തിലുണ്ടാകും. ശ്രീനിവാസനാണ് പുതുതായി എത്തുന്ന താരം. എറണാകുളത്ത് ആരംഭിക്കുന്ന ഷൂട്ടിംഗ് പിന്നീട് ഗോവയിലേക്ക് ഷിഫ്ട് ചെയ്യും. മറ്റ് ചില ലൊക്കേഷനുകളും പരിഗണനയിലാണ്. ഹായ് ഐ ആം ടോണിയാണ് ലാല്‍ ജൂനിയര്‍ ഒടുവില്‍ സംവിധാനം ചെയ്ത ചിത്രം. ഈ ചിത്രത്തിലും ആസിഫായിരുന്നു നായകന്‍.