കോഴിക്കോട് കപ്പലിറങ്ങിയ പോര്‍ച്ചുഗീസു നാവികന്‍ വാസ്‌കോഡഗാമയുടെ നാട്ടില്‍ പൃഥ്വിരാജ്. ഗാമയുടെ കഥ പറഞ്ഞ ഉറുമിയിലെ കേന്ദ്ര കഥാപാത്രമായിരുന്നു പൃഥ്വിരാജ്. മൈ സ്റ്റോറി എന്ന ചിത്രത്തില്‍ അഭിനയിക്കാന്‍ 40 ദിവസം താരം അവിടെയുണ്ടാകും.

മലേഷ്യയില്‍ ഹിന്ദി ചിത്രത്തിന്റെ ഷൂട്ട് തീര്‍ത്തശേഷം 19 നാണ് താരം കൊച്ചിയിലെത്തിയത്. രണ്ടു ദിവസം കൊച്ചി ലാല്‍ മീഡിയയില്‍ ഇസ്രയുടെ ഡബ്ബിംഗ് അതിനുശേഷമാണ് പറന്നത്. കഴിഞ്ഞ മാസം ഹൈദരാബാദില്‍ ടിയാന്റെ ചിത്രീകരണത്തിനു പോയെങ്കിലും മഴ കാരണം ഷൂട്ടു മുടങ്ങി. സെറ്റുകള്‍ നശിച്ചു. അതോടെയാണ് ഹിന്ദി ചിത്രത്തിനായി മലേഷ്യയിലേയ്ക്ക് പറന്നത്. അതും കുടുംബസമേതം.

ഹിന്ദിയിലെ പ്രശസ്തയായ കോസ്റ്റിയൂമറാണ് മൈ സ്‌റ്റോറിയുടെ ഡയറക്ടര്‍. ശങ്കര്‍ രാമകൃഷ്ണനാണ് തിരക്കഥയെഴുതിയത്. ഉറുമിയ്ക്കുശേഷം ശങ്കറും പൃഥ്വിരാജും ഒന്നിക്കുന്നെന്ന പ്രത്യേകതയും ചിത്രത്തിനുണ്ട്. എന്നു നിന്റെ മൊയ്തീനു ശേഷം പാര്‍വതി പൃഥ്വിരാജിന്റെ നായികയാവുന്നു എന്നതാണ് മറ്റൊരു ഹൈലൈറ്റ്. തലയ്ക്കു മൂന്നു ചുഴിയുള്ള യുവാവിന്റെ കഥയാണ് മൈ സ്റ്റോറി.