കോഴിക്കോട് ബിജു മേനോന്‍ നായകനാകുന്ന പുതിയ സിനിമയുടെ ചിത്രീകരണത്തിനിടെ മതിലിടിഞ്ഞുവീണ് ഒന്‍പത് പേര്‍ക്ക് പരുക്ക്. തിരക്കഥാകൃത്തായ രഞ്ജന്‍ പ്രമോദ് സംവിധാനം ചെയ്യുന്ന രക്ഷാധികാരി ബിജുഎന്ന ചിത്രത്തിന്റെ ഷൂട്ടിംഗിനിടയാണ് സംഭവം.
പയ്യോളി ഗവ. സ്‌കൂളില്‍ നടക്കുന്ന ഷൂട്ടിംഗ് കാണാന്‍ വിദ്യാര്‍ഥികള്‍ കയറി നിന്നപ്പോള്‍ മതില്‍ ഇടിഞ്ഞുവീഴുകയായിരുന്നു. അപകടത്തില്‍ പരുക്കേറ്റവരെ ആശുപത്രിയില്‍ പ്രവേശിപ്പിച്ചു. പരുക്കേറ്റവരുടെ നില ഗുരുതരമല്ലെന്നാണ് ലഭിക്കുന്ന വിവരങ്ങള്‍.
ജലസേജന വകുപ്പ് ഉദ്യോഗസ്ഥനായാണ് ചിത്രത്തില്‍ ബിജു മേനോന്‍ അഭിനയിക്കുന്നത്. ഗ്രാമീണര്‍ക്കിടയിലേക്കു നഗരവത്കരണം കടന്നുവരുന്നതോടെ ഉണ്ടാകുന്ന പ്രതിസന്ധികളാണ് ചിത്രത്തിന്റെ പ്രമേയം. ഫോട്ടോഗ്രാഫര്‍, റോസ് ഗിറ്റാറിനാല്‍ എന്നീ സിനിമകള്‍ക്കുശേഷം രഞ്ജന്‍ എടുക്കുന്ന സിനിമയാണിത്.