തലവേദനയ്ക്ക് മോഹന്ലാലിന്റെ ചികില്സ
ലാല് ഒരു മികച്ച ഡോക്ടറാണെന്നാണ് സഹതാരങ്ങളുടെ അഭിപ്രായം അതും മനസ്സിന്റെ ഡോക്ടര്.നടന് സിദ്ധിഖിലും നടി ശ്വേതാമേനോനും തലവേദന പതിവായി വരാറുണ്ട്. പ്രത്യേകിച്ച് ബിസി ഷെഡ്യൂളുകളില്. ഈ സമയങ്ങളില് വലിയ അലോസരപ്പെടുത്തലാണ് ഉണ്ടാകുന്നത്. അടുത്തിടെ തലവേദന കൊണ്ട് പുളയുന്ന സിദ്ധിഖിനെ കണ്ട് മോഹന്ലാല് വിവരം തിരക്കി. വേദന നമ്മള് ആസ്വദിച്ചാല് എല്ലാ പ്രശ്നങ്ങളും തീരുമെന്ന് താരം പറഞ്ഞു. അത് കേട്ട് സിദ്ധിഖിന് ദേഷ്യം വന്നു. മോഹന്ലാലായത് കൊണ്ട് ഒന്നും പറഞ്ഞില്ലെന്ന് മാത്രം. ഇതെല്ലാം കണ്ട് നിന്ന ശ്വേതാമേനോന് പറഞ്ഞു, മോഹന്ലാല് ഇങ്ങിനെയാണ്. വേറെ ആര്ക്കും ഈ രീതിയില് പെരുമാറാനറിയില്ല.
ഏതൊരു ഗുരുതരമായ പ്രശ്നത്തെയും ലളിതമായാണ് മോഹന്ലാല് അഭിമുഖീകരിക്കുന്നത്. ആന ഇടഞ്ഞ് വരുന്നെന്ന് പറഞ്ഞാലും താരം ശാന്തമായിരിക്കും. അല്ലെങ്കില് തലവേദന എന്ജോയ് ചെയ്യണമെന്ന് ആരെങ്കിലും പറയുമോ. ശ്വേതാമേനോന് ചോദിക്കുന്നു. ഒരു ദിവസം ദുബയില് സ്റ്റേജ്ഷോ നടക്കുകയാണ്. സിദ്ധിഖിന് ചോറും മീന് കറിയും കിട്ടാഞ്ഞിട്ട് ദേഷ്യം വന്നിരിക്കുകയാണ്. പലതരം ജ്യൂസുകളും പഴവര്ഗങ്ങളും മേശ നിറഞ്ഞ് ഇരുന്നിട്ടും സിദ്ധിഖ് തിരിഞ്ഞ് നോക്കുന്നില്ല. സിദ്ധിഖിനെ ആശ്വസിപ്പിക്കാന് മോഹന്ലാല് നോക്കിയിട്ട് രക്ഷയില്ല. ഒടുവില് എങ്ങനെയോ പരിപാടി കഴിഞ്ഞു.
റൂമില് വന്ന സിദ്ധിഖിനെ മോഹന്ലാല് റൂമിലേക്ക് വിളിച്ചു. മേശപ്പുറത്തിരിക്കുന്ന പാത്രത്തിന്റെ മൂടി മാറ്റി മോഹന്ലാല്, നല്ല ചൂട് ചോറും മീന്കറിയും. അതോടെ സിദ്ധിഖ് അവിടെ ഇരുന്ന് ഒറ്റയിരുപ്പില് കഴിച്ച് തീര്ത്തു. മോഹന്ലാല് തന്റെ ദുബയിലെ റസ്റ്റോറന്റില് വിളിച്ച് മീന്കറിയും ചോറും തയ്യാറാക്കിച്ച് കൊണ്ടുവന്നതാണ്. അതാണ് മോഹന്ലാല്. ഏത് കാര്യങ്ങളെയും സിംപിളായും പവര്ഫുളായും നേരിടാന് താരത്തിനേ കഴുയൂ ശ്വേതാമേനോന് പറഞ്ഞു.
https://www.facebook.com/Malayalivartha
