ലാലേട്ടന് ഇനി ചൂടുള്ള നായിക, ഇന്ത്യ-പാക് യുദ്ധകഥ പറയുന്ന മേജര് രവി ചിത്രത്തില് പാകിസ്ഥാന്കാരിയായി മുംബൈ മോഡല്
മോഹന്ലാലിനൊപ്പം തെലുങ്കു താരം അല്ലു സിരിഷും ബോളിവുഡ് നടന് അരുണോദയ് സിംഗും അണിനിരക്കുന്ന സിനിമയിലെ രണ്ടു നായികമാരില് ഒരാളായിരിക്കും പ്രിയങ്ക. ഇന്ത്യാ പാകിസ്താന് യുദ്ധകഥ പറയുന്ന മേജര്രവി ചിത്രം 1971 നെക്കുറിച്ച് ആരാധകര് ഏറെ ആകാംഷയോടെയാണ് കാത്തിരിക്കുന്നത്. മുംബൈ മോഡല് പ്രിയങ്കാ അഗര് വാള് സിനിമയില് നായികയാകുമെന്നാണ് സിനിമയുമായി ബന്ധപ്പെട്ടുള്ള വര്ത്തമാനങ്ങള് കേള്ക്കാന് കൊതിച്ചിരിക്കുന്നവര്ക്കുള്ള ഏറ്റവും പുതിയ വിശേഷം. സിനിമയില് ഒരു പാകിസ്താന് കാരിയുടെ വേഷമായിരിക്കും താരത്തിനെന്നാണ് വിവരം.
ഇന്തോ-പാകിസ്താന് യുദ്ധത്തില് പാകിസ്താന് സൈന്യത്തിന് മുന്പില് ഉണ്ടായിരുന്ന സൈനികനാണ് റാണാ ഷെരീഫ്. അരുണോദയ് അവതരിപ്പിക്കുന്ന പാകിസ്താനി ലഫ്നന്റ് കേണല് റാണാ ഷെരീഫിന്റെ ഭാര്യാവേഷമാണ് പ്രിയങ്കയ്ക്ക്. ചിത്രത്തില് ഒരു 65 കാരിയായും യുവതിയായും പ്രിയങ്ക പ്രത്യക്ഷപ്പെടും. ഫീച്ചര് ഫിലിം വിഭാഗത്തില് പ്രിയങ്കയുടെ ആദ്യ സംരംഭമാണ് സിനിമ. അതേസമയം പ്രിയങ്ക മോഹന്ലാലിനൊപ്പം ഇത് രണ്ടാമത്തെ തവണയാണ് അഭിനയിക്കുന്നത്. നേരത്തേ ലാലിനൊപ്പം പ്രിയദര്ശന് സംവിധാനം ചെയ്തിട്ടുള്ള ചില പരസ്യങ്ങളില് അഭിനയിച്ചിരുന്നു. അനേകം പഞ്ചാബി, ഹിന്ദി സംഗീത ആല്ബങ്ങളില് പ്രത്യക്ഷപ്പെട്ടിട്ടുള്ള ഇവര് രാജസ്ഥാനിലെ സൂരത്ത്ഗറില് ടീമിനൊപ്പം എത്തും.
https://www.facebook.com/Malayalivartha
