പുലിമുരുകൻ കാനഡയിലും കസറി. നിറഞ്ഞ കയ്യടികളോടെ ടൊറോന്റോ, മിസ്സിസ്സാഗ,റിച്ചമണ്ട് ഹിൽ തുടങ്ങിയ മൂന്ന് സ്ഥലങ്ങളിൽ
ഓരോ പ്രദേശത്തും അഞ്ചിലധികം ഷോകൾ.
റിച്ച്മണ്ട് ഹിൽ യോർക്ക് തീയറ്ററിൽ ശനി ഞായർ ദിവസങ്ങളിലെ ഷോകൾ മലയാളികളെ കൊണ്ട് നിറഞ്ഞ സദസിലായിരുന്നു.
മോഹൻലാൽ ആരാധകരായ ചില തമിഴരും ഹിന്ദിക്കാരും ആവേശമുണർത്തി.
ഒറില്ല, ബാരി, തുടങ്ങി നൂറിലധികം കിലോമീറ്ററുകൾ കാറോടിച്ചാണ് കുടംബസമേധം പുലിമുരുകനെ കാണാനെത്തിയത്.
റെക്കോർഡുകൾ തകർത്ത് പുലിമുരുകന്റെ ജൈത്രയാത്ര തുടരുന്നു.ഒക്ടോബര്‍ ഏഴിന് തീയേറ്ററുകളിലെത്തിയ ചിത്രം 25ാം ദിവസത്തിലേക്ക് അടുക്കുമ്പോള്‍ ഇതിനകം വാരിക്കൂട്ടിയത് 75 കോടിരൂപ‍. 70 കോടിയായിരുന്നു മോഹൻലാലിന്റെ ദൃശ്യം വാരിക്കൂട്ടിയത്. ഈ റെക്കാർഡും പുലിമുരുകനു മുന്നിൽ വഴിമാറി. ഓവർസീസ്, സാറ്റലൈറ്റ് റൈറ്റുകൾ ഓഡിയോ, വിഡിയോ റൈറ്റ് എന്നീ ഇനത്തിലും പുലി മുരുകൻ 15 കോടിയോളം രൂപ നേടി.മികച്ച അഭിപ്രായവും കലക്ഷനും നേടി വൈശാഖ് സംവിധാനം ചെയ്ത മോഹന്‍ലാലിന്റെ പുലിമുരുകന്‍ വിദേശ രാജ്യങ്ങളിലും മുന്നേറുകയാണ്. ടോമിച്ചന്‍ മുളകുപാടമാണ് ചിത്രം നിര്‍മിച്ചിരിയ്ക്കുന്നത്. കേരളത്തില്‍ നിന്ന് മാത്രം പുലിമുരുകന്‍ 23 ദിവസം കൊണ്ട് നേടിയത് 55 കോടി രൂപയാണ്. 50 കോടി കടക്കുന്ന മോഹന്‍ലാലിന്റെ മൂന്നാമത്തെ ചിത്രമാണ് പുലിമുരുകന്‍ എന്ന പ്രത്യേകതയുമുണ്ട്. ദൃശ്യവും ഒപ്പവുമാണ് മറ്റ് രണ്ട് ചിത്രങ്ങള്‍. കേരളത്തിന് പുറത്ത് നിന്ന് പുലിമുരുകന്‍ 14 കോടി രൂപ ഗ്രോസ് കലക്ഷന്‍. യു എസ്സില്‍ നിന്നും ചിത്രം ഒരു കോടി ഗ്രോസ് കലക്ഷന്‍ നേടി.

ഗള്‍ഫ് രാജ്യങ്ങളിലും യൂറോപ് രാജ്യങ്ങളിലും നൂറ് തിയേറ്ററുകളിലാണ് പുലിമുരുകന്‍ റിലീസ് ചെയ്തിരിയ്ക്കുന്നത്. നവംബര്‍ നാലോടെ യൂറോപില്‍ 150 ഓളം തിയേറ്ററുകളില്‍ ചിത്രം റിലീസ് ചെയ്യും എന്നാണ് റിപ്പോര്‍ട്ടുകള്‍