കൊച്ചി - നാട്ടിലെ കളി പുലിമുരുകന് വഴങ്ങുമോ? ആനക്കൊമ്ബ് കൈവശംവയ്ക്കാന്‍ നടന്‍ മോഹന്‍ലാലിന് വനംവകുപ്പ് അനുമതി നല്‍കിയതുമായി ബന്ധപ്പെട്ട് ത്വരിതാന്വേഷണം നടത്താനുള്ള മൂവാറ്റുപുഴ വിജിലന്‍സ് കോടതി ഉത്തരവിനെതിരെ ഹൈക്കോടതിയില്‍ ഹര്‍ജി. വിജിലന്‍സ് കോടതി നടപടി നിയമവിരുദ്ധമാണെന്നു ചൂണ്ടിക്കാട്ടിയാണ് മോഹന്‍ലാലിന്റെ ഹര്‍ജി.

വനംവകുപ്പ് അനുമതിക്കു പിന്നില്‍ അഴിമതിയുണ്ടെന്നാരോപിച്ച്‌ ഏലൂര്‍ സ്വദേശി കെ എ പൌലോസ് സമര്‍പ്പിച്ച സ്വകാര്യ അന്യായത്തിലാണ് മോഹന്‍ലാല്‍, മുന്‍ വനംമന്ത്രി തിരുവഞ്ചൂര്‍ രാധാകൃഷ്ണന്‍ തുടങ്ങിയവര്‍ക്കെതിരെ വിജിലന്‍സ് കോടതി ത്വരിതാന്വേഷണത്തിന് ഉത്തരവിട്ടത്. അന്യായംതന്നെ നിയമപരമായി നിലനില്‍ക്കുന്നതല്ലെന്ന് മോഹന്‍ലാല്‍ ഹര്‍ജിയില്‍ ബോധിപ്പിച്ചു.