നടി അമലാ റോസ് പറയുന്നു, വില പറഞ്ഞും തെറി വിളിച്ചും കൊല്ലാക്കൊല ചെയ്യുന്നു, എനിക്കും ജീവിക്കണം
തൊടുപുഴ പെണ്വാണിഭവുമായി ബന്ധപ്പെട്ട് ഒരു ചലച്ചിത്രതാരം പിടിയിലായതിന് പിന്നാലെ ഉറക്കം നഷ്ടപ്പെട്ടത് സിനിമാസീരിയല് താരം അമലാ റോസ് കുര്യന് ആണ്. സംഭവത്തില് പിടിക്കപ്പെട്ടത് തന്റെ അതേ പേരിലുള്ള ആളാണെന്ന റിപ്പോര്ട്ടുകള് അമലയുടെ സ്വസ്ഥജീവിതം താറുമാറാക്കി. അനാശാസ്യത്തിന് പിടിയിലായ അഭിനേത്രി താനാണെന്ന മട്ടിലാണ് പലരും പെരുമാറുന്നതെന്ന് അമലാ റോസ് പറയുന്നു.
'തീവ്രം' എന്ന സിനിമയിലെ മൈന എന്ന കഥാപാത്രത്തെ അവതരിപ്പിച്ച് സിനിമയിലെത്തിയ അമലാ സീരിയലുകളില് സജീവമാണ്. കോട്ടയം സ്വദേശിനിയാണ്. വിവെല് ആക്റ്റീവ് ഫെയര് ബിഗ് ബ്രേക്, വിവെല് ആക്റ്റീവ് ഫെയര് മിസ് ബ്യൂട്ടിഫുള് ഐസ്2012 എന്നീ മല്സരങ്ങളിലെ മല്സരാര്ത്ഥി ആയിരുന്നു. ചെയ്യാത്ത തെറ്റിന്റെ പേരില് തന്നെ ക്രൂശിക്കരുതെന്നും അമലാ റോസ് കുര്യന് ആത്മഹത്യ ചെയ്തു എന്ന വാര്ത്തയാണോ തന്നെ ക്രൂശിക്കുന്നവര് കേള്ക്കാന് ആഗ്രഹിക്കുന്നത് എന്നും അമല ചോദിക്കുന്നു.
അമലയുടെ കുറിപ്പ്
അമല റോസ് കുര്യന് ആത്മഹത്യ ചെയ്യ്തു???
പ്രിയ സുഹൃത്തുക്കളെ ഇതാണോ നിങ്ങള് കേള്ക്കാന് ആഗ്രഹിക്കുന്ന വാര്ത്ത???
നിങ്ങള് ആഗ്രഹിച്ചാലും ഇല്ലെങ്കിലും എന്റെ മാനസികാവസ്ഥ അതു തന്നെയാണ്. ഒരു സാധാരണ ചുറ്റുപാടില് ജീവിക്കുന്ന ഒരു പെണ്കുട്ടിയാണു ഞാന്, അഭിനയത്തോടുള്ള എന്റെ പാഷനാണു ഈ മേഖലയില് എന്നെ നിലനിര്ത്തുന്നത്. ഞാനൊരു സാധാരണ പെണ്കുട്ടിയാണ്, മാതാവില് വിശ്വസിക്കുന്ന ഒരു സാധാരണക്കാരി. ഞാന് ഒന്നു ഉറങ്ങിയിട്ട് ഒരാഴ്ചയായി. സുഹൃത്തുക്കളുടേയോ, ബന്ധുക്കളൂടേയോ ഫോണ് കോളുകള് അറ്റന്റ് ചെയ്യാന് എനിക്ക് പേടിയാണ്.....
അമല എന്ന് പേരുള്ള ഒരു പെണ്കുട്ടിയെ തൊടുപുഴയില് നിന്ന് ഇമ്മോറല് ട്രാഫിക്ക് ചാര്ജ്ജ് ചെയ്ത് പോലീസ് അറസ്റ്റ് ചെയ്യ്തു. ആ പെണ്കുട്ടി ഞാനാണ് എന്ന രീതിയിലാണു പലരും പിന്നീട് എന്നോട് പെരുമാറാന് തുടങ്ങിയത്. എനിക്കെന്റെ മെസ്സഞ്ചറോ. വാട്സപ്പോ ഓപ്പണ് ചെയ്യാന് കഴിയാതായി. വിലപറഞ്ഞും തെറിവിളിച്ചും എന്നെ കൊല്ലാകൊല ചെയ്യുകയാണ്. ചുരുക്കം ചില നല്ല സുഹൃത്തുക്കളുടെ സപ്പോര്ട്ട് മാത്രമാണു ഇപ്പൊ എനിക്കൊപ്പം ഉള്ളത്. 'തെറ്റു ചെയ്തവര്ക്ക് പോലും അവര് അര്ഹിക്കുന്ന നീതി നിഷേധിച്ചു കൂടാ.' സമൂഹവും നിയമവ്യവസ്ഥയും ആ നീതി അവര്ക്ക് കൊടുക്കാന് ബാധ്യസ്ഥരാണ്. അത്തരമൊരു ജനാധിപത്യം എന്റെ നാട്ടില് നിലനില്ക്കുമ്പോള് തന്നെയാണു 'ഒരു തെറ്റും ചെയ്യാത്ത ഞാന് ക്രൂശിക്കപ്പെടുന്നത്.' ഒരു വാര്ത്ത കേട്ടു കഴിയുമ്പോ അതിന്റെ സത്യാവസ്ഥ അന്വേഷിക്കാതെ തെറി വിളിക്കാനും ചെളി വാരിയെറിയാന് പുറപ്പെടുന്നവരോടും എനിക്കൊന്നേ ചോദിക്കാനുള്ളൂ, നിങ്ങളുടെ സഹോദരിക്കാണു ഇങ്ങനെ ഒരു അവസ്ഥ ഉണ്ടായതെങ്കില് അപ്പോഴും നിങ്ങള് ഇതു തന്നെ ചെയ്യുമോ? ഇങ്ങനെ തെറി വിളിക്കുമോ? അതോ സത്യം എന്താണെന്നു അന്വേഷിക്കുമോ? സോഷ്യല് മീഡിയയിലെ എന്റെ എല്ലാ സുഹൃത്തുക്കളോടും എനിക്ക് ഒരു അപേക്ഷ മാത്രമേ ഉള്ളു, ചെയ്യാത്ത തെറ്റിന്റെ പേരില് എന്നെ ക്രൂശിക്കരുത്. അമല റോസ് കുര്യന് എന്നൊരു പേരുണ്ടായി പോയത് ഒരു തെറ്റാണോ? എനിക്കും ഇവിടെ ജീവിക്കണം സമാധാനമായിട്ട്.... ദയവായി സത്യം എന്താണെന്ന് അന്വേഷിക്കുക....
സത്രീധനം, പാദസരം എന്നീ സീരിയലുകളിലെ നടിയാണ് അമലാ റോസ് കുര്യന്
https://www.facebook.com/Malayalivartha
