ഒരു കുപ്പിവെള്ളം കാരണമാണ് അമ്മയെന്ന താരസംഘടനയുണ്ടായത്
അമ്മയെന്ന താരസംഘടനയുണ്ടായത് ഒരു കുപ്പിവെള്ളം കാരണം.ഒരുസിനിമയുടെ സെറ്റില് മണിയന്പിള്ള രാജുവിനോട് കുപ്പിവെള്ളം തരില്ല പകരം പൈപ്പ് വെള്ളം കുടിക്കാന് പറഞ്ഞ നിര്മാതാവിനുള്ള മറുപടിയായിരുന്നു മലയാളത്തിലെ താരങ്ങളുടെ സംഘടനയായ അമ്മയുടെ രൂപീകരിണം.
ബിസിലറി ബോട്ടിലില് വെള്ളം പുറത്തിറങ്ങി തുടങ്ങിയ കാലമായിരുന്നു. പരിശുദ്ധമായ വെള്ളം എന്ന നിലയില് ആളുകള് അത് വാങ്ങികുടിക്കുവാന് ഏറെ താല്പര്യം കാണിച്ചു. സിനമാ സെറ്റുകളിലും കുപ്പിവെള്ളം എത്തിത്തുടങ്ങി. ഒരു സിനിമയുടെ സെറ്റില് മണിയന്പിള്ള രാജു ഒരു കുപ്പിവെള്ളം ആവശ്യപ്പെട്ടു. ഇതുകേട്ട് നിന്ന നിര്മാതാവ് തനിക്കൊക്കെ കുടിക്കാന് കുപ്പിവെള്ളമോ, വേണമെങ്കില് പൈപ്പിലെ വെള്ളം കുടിക്ക് എന്ന് ഉറക്കെ പറഞ്ഞു. ഇത് രാജുവിനെ വല്ലാതെ വേദനിപ്പിച്ചു.
അഭിനയം കഴിഞ്ഞ് തിരുവനന്തപുരത്ത് എത്തിയ മണിയന്പിള്ള രാജു സുരേഷ്ഗോപി ഉള്പ്പടെയുള്ള അഭിനേതാക്കള് ഉണ്ടായിരുന്ന വേദിയില് ഇക്കാര്യം അവതരിപ്പിച്ചു. കേട്ടവര്ക്കെല്ലാം അത് വേദനയുണ്ടാക്കി. ഇനി ഒരു നടനും നടിക്കും ഇതുപോലെ ഒരനുഭവം ഉണ്ടാകാന്പാടില്ലെന്ന് അവര് തീരുമാനിച്ചു. നമ്മുക്കും വേണം ഒരു ഒത്തൊരുമയും കൂട്ടായ്മയും ഒക്കെ. അതിനായി സംഘടിക്കണം. സംഘടനയുണ്ടാക്കുവാന് അന്ന് അവിടെ കൂടിയിരുന്നവര് തീരുമാനിച്ചു. സിനിമയിലെ പ്രമുഖരായ നടീനടന്മാര് മുതല് പലരേയും വിളിച്ച് കാര്യം പറഞ്ഞു. എല്ലാവരും സംഘചനവേണമെന്ന തീരുമാനത്തെ അനുകൂലിച്ചു. അങ്ങനെയാണ് താരങ്ങള്ക്കുവേണ്ടി അമ്മ എന്ന സംഘടന രൂപപ്പെട്ടത്. ഇന്ന് മണിയന്പിള്ള രാജു അഭിനേതാക്കളുടേയും നിര്മാതാക്കളുടേയും സംഘടനയില് അംഗമാണ്.
https://www.facebook.com/Malayalivartha
