മമ്മൂട്ടിയുടെ പുത്തന്‍ ലുക്ക് സമൂഹമാധ്യമങ്ങളില്‍ ശ്രദ്ധേയമാകുന്നു. രഞ്ജിത്ത് സംവിധാനം ചെയ്ത് മമ്മൂട്ടി നായകനാകുന്ന പുത്തന്‍പണം എന്ന ചിത്രത്തിലാണ് പിരിച്ചുവെച്ച മീശയും കൂളിങ് ഗ്ലാസുമായി മെഗാസ്റ്റാര്‍ എത്തുന്നത്.

ദ് ന്യൂ ഇന്ത്യന്‍ റുപ്പീ എന്ന ടാഗ്‌ലൈനിലെത്തുന്ന ചിത്രത്തില്‍ കള്ളപ്പണവും നിലവിലെ ഇന്ത്യയുടെ സാമ്പത്തിക സാഹചര്യങ്ങളും പ്രമേയമാകുന്നുണ്ട്. നവംബര്‍ 25ന് എറണാകുളത്ത് ചിത്രീകരണം ആരംഭിക്കുന്ന ചിത്രത്തിന്റെ മറ്റ് ലൊക്കേഷനുകള്‍ കാസര്‍ഗോഡും ഗോവയുമാണ്.

കാശ്‌മോര, മാരി എന്നീ സിനിമകളുടെ ഛായാഗ്രാഹകനായിരുന്ന ഓംപ്രകാശാണ് ക്യാമറ. ഷഹബാസ് അമനാണ് സംഗീതം. ഇനിയ, രണ്‍ജി പണിക്കര്‍, സായ്കുമാര്‍, സിദ്ദീഖ്, ഹരീഷ് പെരുമണ്ണ, മാമുക്കോയ, ജോജു ജോര്‍ജ്ജ് എന്നിവരാണ് സിനിമയിലെ മറ്റുതാരങ്ങള്‍.