ദിലീപും കാവ്യ മാധവനും വിവാഹിതരായി
നടന്‍ ദിലീപും നടി കാവ്യ മാധവനും വിവാഹിതരായി. രാവിലെ ഒന്‍പതിനും 10 മണിക്കുമിടയിലുള്ള മുഹൂര്‍ത്തത്തില്‍ എറണാകുളം കലൂര്‍ വേദാന്ത ഹോട്ടലില്‍ വെച്ചാണ് വിവാഹം നടന്നത്. അടുത്ത സുഹൃത്തുക്കളും ബന്ധുക്കളും മാത്രമാണ് ചടങ്ങില്‍ പങ്കെടുത്തത്. ദിലീപിന്റെ മകളും വിവാഹത്തിന് എത്തിയിരുന്നു. സിനിമാ മേഖലയില്‍ നിന്നു മമ്മൂട്ടി, ജയറാം, ജനാര്‍ദനന്‍, സലിം കുമാര്‍, മീരാ ജാസ്മിന്‍, കവിയൂര്‍ പൊന്നമ്മ, കെ.പി.എസി.ലളിത, ചിപ്പി, മേനക, ജോമോള്‍ തുടങ്ങി നിരവധിപേര്‍ ചടങ്ങിനെത്തി. സംവിധായകരായ ജോഷി, സിദ്ധിഖ്, ലാല്‍, കമല്‍ തുടങ്ങിയവരും ചടങ്ങിനെത്തി. നിര്‍മ്മാതാക്കളും ചടങ്ങില്‍ പങ്കെടുത്തു.
സിനിമാ സുഹൃത്തുക്കള്‍ക്കുംമറ്റുമായി എറണാകുളത്തെ സ്വകാര്യ ഹോട്ടലില്‍ റിസപ്ഷന്‍ ഉണ്ടാകും. പുതിയൊരു വിവാഹജീവിതത്തിലേക്ക് കടക്കുമ്പോള്‍ പ്രേക്ഷകരുടെ എല്ലാ പിന്തുണയും ആശംസകളും വേണമെന്ന് ദിലീപ് പറഞ്ഞു. രണ്ടു വീട്ടുകാരുടെയും പൂര്‍ണ സമ്മതത്തോടെയാണ് വിവാഹം. മാധ്യമങ്ങളെ അറിയിക്കുമെന്ന് നേരത്തെ തന്നെ ദിലീപ് പറഞ്ഞിരുന്നു. ഉച്ചയോടെ രണ്ടു പേരും ദുബായിലേക്ക് പോകും.
https://www.facebook.com/Malayalivartha
