തന്റെ വിവാഹകാര്യം അറിയിക്കാന്‍ ദിലീപ് ഫേസ്ബുക്കില്‍ പോസ്റ്റ് ചെയ്ത വീഡിയോ വന്നതോടെ ഒരു സസ്‌പെന്‍സിന് ശുഭാന്ത്യമാവുകയായിരുന്നു. ദിലീപ് കാവ്യ മാധവന്റെ കഴുത്തില്‍ താലി കെട്ടുമ്പോള്‍ തിരശ്ശീല വീഴുന്നത് മലയാളി ഏറെക്കാലം കൊണ്ടുനടന്ന ആകാംക്ഷയ്ക്കുമാണ്. കാവ്യയുടെ വിവാഹമോചനത്തിനു പിന്നാലെ ദിലീപിന്റെ വിവാഹമോചന ഹര്‍ജിയും കോടതിയിലെത്തിയതോടെ ഗോസിപ്പുകള്‍ക്ക് ആക്കംകൂടി. ഇരുവരും വിവാഹിതരായതായി പലതവണ വാര്‍ത്തകള്‍ പ്രചരിച്ചു. ഒടുവില്‍ മലയാള സിനിമയില്‍ ഇരുവരും ഇരുപത്തിയഞ്ചാം വാര്‍ഷികം ആഘോഷിക്കുന്ന വേളയില്‍ യഥാര്‍ഥ വിവാഹ വാര്‍ത്തയെത്തുന്നു.

വിവാഹത്തിന്റെ അണിയറ ഒരുക്കങ്ങള്‍ നടന്നത് അതീവ രഹസ്യമായാണ്. സിനിമാ പൂജയ്‌ക്കെന്ന് പറഞ്ഞായിരുന്നു ഹോട്ടലില്‍ ഹോള്‍ പോലും ബുക്ക് ചെയ്തത്. കല്ലൂര്‍ വേദാന്താ ഹാളില്‍ സിനിമയുടെ പൂജയ്ക്കായയി അടുത്ത സുഹൃത്തുക്കളേയും നേരത്തെ ക്ഷണിച്ചിരുന്നു. നവംബര്‍ 25ന് സിനിമയുടെ പൂജയെന്ന് കരുതി കാത്തിരുന്നവര്‍ക്കാണ് അര്‍ദ്ധ രാത്രിയില്‍ അപ്രതീക്ഷ എസ് എം എസുകളെത്തിയത്. സിനിമയില്‍ അപൂര്‍വ്വം ചിലരോട് മാത്രമേ കാര്യങ്ങള്‍ അറിയിച്ചിരുന്നുള്ളൂ. അടുത്ത സുഹൃത്തുക്കളോട് പോലും നവംബര്‍ 25ന് കൊച്ചിയിലെത്തണമെന്ന് മാത്രമേ ദിലീപും കാവ്യയും പറഞ്ഞിട്ടുള്ളൂ. നിര്‍മ്മാതാക്കളായ സുരേഷ് കുമാര്‍, രഞ്ജിത്ത്, മേനകാ സുരേഷ്, ചിപ്പി, ജോമോള്‍ ഇങ്ങനെ കുറച്ചു പേര്‍ മാത്രം. ഇവരെല്ലാം കുടുംബവുമായി തന്നെ വിവാഹ വേദിയിലെത്തി. നടക്കാന്‍ പോകുന്നത് സുപ്രധാന സംഭവമാണെന്ന തിരിച്ചറിവായിരുന്നു ഇതിന് കാരണം. അപ്പോഴും വിവാഹമാണെന്ന് ആരും അറിഞ്ഞില്ല. സിനിമാ മേഖലയിലെ സൂപ്പര്‍ താരങ്ങളോട് അടക്കം ഇന്നലെ രാത്രി ദിലീപും കാവ്യയും നേരിട്ട് ഇക്കാര്യം പറഞ്ഞുവെന്നാണ് സൂചന. എല്ലാവരുടേയും അനുഗ്രഹവും തേടി.

ജനാര്‍ദ്ദനന്‍ അടക്കമുള്ളവരെ വിവാഹ വേദി ഉള്‍പ്പെടെ അറിയിച്ചതും രാവിലെയാണ്. മമ്മൂട്ടിയേയും മോഹന്‍ലാലിനേയും വിളിച്ചു. മമ്മൂട്ടി ചെന്നൈയിലായിരുന്നു. എന്നിട്ടും പറന്നെത്തി വിവാഹത്തില്‍ പങ്കെടുത്തു. മോഹന്‍ലാല്‍ സ്ഥലത്തില്ലാത്തതിനാല്‍ എത്തിയില്ല. മീരാജാസ്മിനും വിവാഹത്തിന് എത്തി. സംവിധായകാരയ ജോഷി, സിദ്ദിഖ് തുടങ്ങിയവകരും എത്തി. ജയറാമും സലിംകുമാറും എല്ലാം ആശംസകളുമായി എത്തി. സംവിധായകനും നടനുമായ ലാലുമെത്തി. അങ്ങനെ താര പ്രഭയില്‍
ദിലീപും കാവ്യയും വിവാഹം ചെയ്തു.

കേരളത്തിലെ സിനിമാ ആരാധകര്‍ക്ക് മുഴുവന്‍ ഞെട്ടല്‍ സമ്മാനിച്ചുകൊണ്ട് നടന്‍ ദിലീപും നടി കാവ്യാമാധവനും വിവാഹിതരായത്. വിവാഹം സംബന്ധിച്ച് ഇതിനകം ഒട്ടേറെ തവണ വാര്‍ത്തകള്‍ വന്നപ്പോഴെല്ലാം നിഷേധിച്ച രംഗത്ത് വന്നിരുന്ന ദിലീപും കാവ്യയും പുതിയ വിവരം സിനിമയിലെയും പുറത്തെയും ഏറ്റവും അടുത്തവര്‍ ഒഴികെ അതീവ രഹസ്യമാക്കി വച്ചിരിക്കുക ആയിരുന്നു. ഇരുവരം തമ്മില്‍ പ്രണയത്തിലാണെന്നും വിവാഹം കഴിക്കുന്നതായും വാര്‍ത്തകള്‍ മുമ്ബും പുറത്തു വന്നിരുന്നെങ്കിലും ഇരുവരും അത് നിഷേധിച്ചിരുന്നു.

നടി മഞ്ജുവാര്യരെ 1998 ഒക്ടോബര്‍ 20 ന് വിവാഹം കഴിച്ച ദിലീപ് 17 വര്‍ഷം നീണ്ട ദാമ്ബത്യം അവസാനിപ്പിച്ച് കഴിഞ്ഞ വര്‍ഷമാണ് വിവാഹമോചനം നേടിയത്. ഇതിന് പിന്നാലെയാണ് കാവ്യയെ വിവാഹം ചെയ്യുന്നത്. കാവ്യയുടേതും രണ്ടാം വിവാഹമാണ്.