അഭിനയ ലോകത്തേക്ക് സംയുക്ത വര്‍മ്മ തിരിച്ചെത്തുന്നതായി വാര്‍ത്തകള്‍. ഗൃഹലക്ഷ്മി പ്രൊഡക്ഷന്‍സിന്റെ വീണ്ടും ചില വീട്ടുകാര്യങ്ങള്‍ എന്ന ചിത്രത്തിലെ നായികയായി സത്യന്‍ അന്തിക്കാട് അവതരിപ്പിച്ചതാണ് സംയുക്താ വര്‍മ്മയെ. തൃശ്ശൂരിലെ രവിവര്‍മ്മയുടെയും ഉമാപ്രഭയുടെയും മകളായ സംയുക്ത പ്രീഡിഗ്രിക്കു പഠിക്കുമ്പോഴാണ് വെള്ളിത്തിരയിലെത്തുന്നത്. ആദ്യചിത്രത്തിലെ അഭിനയത്തിനു തന്നെ സംസ്ഥാനസര്‍ക്കാരിന്റെ ബഹുമതിയും ലഭിച്ചു. വീണ്ടും ചില വീട്ടു കാര്യങ്ങള്‍, വാഴുന്നോര്‍, ചന്ദ്രനുദിക്കുന്ന ദിക്കില്‍ , നാടന്‍ പെണ്ണും നാട്ടു പ്രമാണിയും, ലൈഫ് ഈസ് ബ്യൂട്ടിഫുള്‍, മധുരനൊമ്പരക്കാറ്റ്, സ്വയംവരപ്പന്തല്‍ എന്നിവയാണം സംയുക്ത അഭിനയിച്ച പ്രധാന ചിത്രങ്ങള്‍.
വെറുമൊരു അഭിനേത്രി എന്നതിനപ്പുറം മികവുള്ള നടിയെന്ന് പേരെടുത്ത് നില്‍ക്കുമ്പോഴാണ് ബിജു മേനോനുമായുള്ള വിവാഹം. ഇതോടെ അഭിനയവും നര്‍ത്തി. തിരുവല്ലയ്ക്കു സമീപം നെടുമ്പുറം കൊട്ടാരത്തില്‍ ഉമാ വര്‍മ്മയുടെയും ചിറക്കല്‍രവി വര്‍മ്മയുടെയും മകളായി 1981 ല്‍ ജനിച്ചു. പിന്നീട് ഈ കുടുംബം തൃശൂരിലേക്ക് താമസം മാറി. സംയുക്തയുടെ മാതൃസഹോദരിയും അഭിനേത്രിയുമായ ഊര്‍മ്മിളാ ഉണ്ണി യാണ് സിനിമാ പ്രവേശനത്തിനു വഴി തെളിച്ചത്. വിവാഹത്തോടെ അഭിനയത്തില്‍ നിന്ന് മാറാന്‍ തീരുമാനിച്ചത് സംയുക്തയാണെന്നും സൂചനയുണ്ട്. അഭിനയിക്കുന്നതിനോട് ബിജു മേനോന്‍ എതിരു നിന്നിട്ടില്ല. അപ്പോഴും മകനെ നോക്കാനായി മാറി നിന്നു. എന്നാല്‍ മകന് സ്വന്തം കാര്യം നോക്കാനായതോടെ നടി സിനിമയെ പറ്റി ചന്തിച്ചു തുടങ്ങിയെന്നാണ് സൂചന. കസിനായ ഉത്തരാ ഉണ്ണിയുടെ ഡോക്യുമെന്റിറീ പ്രകാശന ചടങ്ങില്‍ സംയുക്താ വര്‍മ്മ എത്തി. ഇതോടെ പുതിയ ചര്‍ച്ചകളിലേക്കും സിനിമാ ലോകം പോവുകയാണ്.
മലയാളത്തിലെ ഏറ്റവും തിരക്കുള്ള നടനാണ് ബിജു മേനോന്‍. കല്ല്യാണത്തിന് ശേഷം സുഹൃത്തുക്കളുടെ വിവാഹ വേദിയിലും മറ്റും മാത്രമേ സംയുക്ത പ്രത്യക്ഷപ്പെടാറുള്ളൂ. എങ്കിലും പല കോണുകളില്‍ നിന്നും അഭിനയിക്കാന്‍ അവസരം എത്താറുണ്ട്. അതെല്ലാം സ്‌നേഹ പൂര്‍വ്വം നിരസിക്കുന്ന നടി ശക്തമായ പ്രമേയത്തിനായുള്ള കാത്തിരിപ്പിലാണ്. ദേശീയ അവാര്‍ഡ് സാധ്യതയുള്ള കഥാപാത്രമെന്ന് ഉറപ്പായാല്‍ തീര്‍ച്ചയായും അഭിനയിക്കുമെന്നാണ് സൂചന. മഞ്ജു വാര്യരുടെ മടങ്ങി വരവ് തന്നെയാണ് സംയുക്തക്കും പ്രചോദനമാകുന്നത്.