വില്ലൻ സിനിമയില്‍ അഭിനയിക്കേണ്ടായിരുന്നെന്ന് ഇപ്പോള്‍ തോന്നുന്നെന്ന് നടന്‍ സിദ്ധിഖ്. തന്റെ ഫേസ്ബുക്ക് പോസ്റ്റിലൂടെ ആയിരുന്നു സിദ്ധിഖിന്റെ പ്രതികരണം. താൻ അഭിനയിച്ചതിനാൽ ഇതിപ്പോൾ എന്റെയും സിനിമയാണ് ഞാൻ എന്തെങ്കിലും പറഞ്ഞാൽ സിനിമയെ പ്രമോട്ട് ചെയ്യാൻ വേണ്ടി പറയുന്നതാണെന്ന് പറയും എന്നാലും എന്റെ അഭിപ്രായം പറയുകയാണെന്ന ആമുഖത്തോടെയാണ് താരത്തിന്റെ പോസ്റ്റ്.

ഞാന്‍ ഈ അടുത്തകാലത്തു കണ്ടതില്‍ എനിക്ക് ഏറ്റവും ഇഷ്ടപെട്ട സിനിമയാണ് ‘വില്ലന്‍’. വ്യക്തി ബന്ധങ്ങളുടെ ആഴങ്ങള്‍ ഈ സിനിമ നമുക്ക് കാണിച്ചു തരുന്നു. മോഹന്‍ലാലും മഞ്ജുവും തമ്മില്‍, ഞാനും മോഹന്‍ലാലും തമ്മില്‍, വിശാലും ഹന്‍സികയും ഒക്കെ തമ്മിലുള്ള ബന്ധങ്ങള്‍ക്ക് എന്തൊരു ദൃഢതയാണ്! ഒരാള്‍ മറ്റൊരാള്‍ക്കു വേണ്ടി ചെയ്യുന്ന ത്യാഗങ്ങള്‍, കരുതലുകള്‍ ഒക്കെ എത്ര ഭംഗി ആയിട്ടാണ് ഈ ചിത്രത്തല്‍ ആവിഷ്‌കരിച്ചിരിക്കുന്നതെന്നും അദ്ദേഹം ചോദിക്കുന്നു.

നമ്മുടെ സാമാന്യ യുക്തിക്കു നിരക്കാത്ത ഒരു സസ്പെൻസിലൂടെ പ്രേക്ഷകരെ ‘ഞെട്ടിക്കാന്‍’ സംവിധായകന്‍ ശ്രമിച്ചിട്ടില്ല എന്നത് ഒരു പോരായ്മയായി എനിക്ക് തോന്നിയില്ല. സ്വപ്ന ലോകത്തു നിന്ന് ഇറങ്ങി വന്നു നമ്മളെ കൊണ്ട് കയ്യടിപ്പിച്ചു കടന്നു പോകുന്ന ഒരു നായകന്‍ ഈ ചിത്രത്തിലില്ല. പകരം ജീവിത യാഥാര്‍ത്യങ്ങള്‍ കണ്ടു പതം വന്ന ഒരു സാധാരണ മനുഷ്യന്‍ മാത്രമാണ് ഇതിലെ നായകന്‍. സാങ്കേതികത്തികവില്‍ മലയാള സിനിമ മറ്റു ഭാഷാ ചിത്രങ്ങളോട് മത്സരിക്കാന്‍ തുടങ്ങിയിരിക്കുന്നു എന്ന് ഈ ചിത്രം ഓര്‍മ്മിപ്പിക്കുന്നുണ്ടെന്നും അദ്ദേഹം പറയുന്നു. ചിത്രത്തിന് എല്ലാവിധ വിജയാശംസകളും നേർന്നാണ് സിദ്ധിഖ് ഫേസ് ബുക്ക് പോസ്റ്റ് അവസാനിപ്പിക്കുന്നത്.

ഫേസ്ബുക്ക് പോസ്റ്റിന്റെ പൂർണ്ണരൂപം