ഒരു പുരുഷന് നെഞ്ചുകാണിച്ച് നടക്കാമെങ്കില് എന്തുകൊണ്ട് സ്ത്രീയ്ക്കും ആയിക്കൂടാ... എനിക്കിഷ്ടമുള്ള ശരീരഭാഗങ്ങള് ഞാന് പുറത്തു കാണിക്കും; സോഷ്യല് മീഡിയയില് വിമര്ശിച്ച ആരാധകന് ചുട്ട മറുപടിയുമായി ജോസഫ് നായിക മാധുരി
സോഷ്യല് മീഡിയയില് വിമര്ശിച്ച ആരാധകന് ചുട്ട മറുപടിയുമായി ജോസഫ് നായിക മാധുരി. 'ഒരുപാട് മോശം മെസേജുകള് വരുന്നുണ്ട്, അതുപോലെ തന്നെ കമന്റുകളും. എന്നാല് ഈ ചോദ്യത്തിനു മാത്രം മറുപടി നല്കാമെന്നു വിചാരിച്ചു. ഉത്തരം കിട്ടാന് വേണ്ടി അദ്ദേഹം കാത്തിരിക്കുന്നതുപോലെ. നിങ്ങളുടെ ചിന്താഗതികള് അവിടെ തന്നെ വച്ചുകൊള്ളൂ. എനിക്കിഷ്ടമുള്ള ശരീരഭാഗങ്ങള് ഞാന് പുറത്തു കാണിക്കും.
സമത്വത്തിലും ബോഡി പോസിറ്റിവിറ്റിയിലും ഞാന് വിശ്വസിക്കുന്നു.' 'ഒരു പുരുഷന് നെഞ്ചുകാണിച്ച് നടക്കാമെങ്കില് എന്തുകൊണ്ട് സ്ത്രീയ്ക്കും ആയിക്കൂടാ. ഒരു സ്ത്രീക്ക് വയറുകാണുന്ന രീതിയില് സാരി ധരിക്കാമെങ്കില് ഇഷ്ടമുള്ള ശരീരഭാഗം കാണിച്ച് എനിക്കും വസ്ത്രം ധരിച്ചു കൂടെ ? പുരുഷനു പൊതുനിരത്തില് മൂത്രമൊഴിക്കാമെങ്കില് സ്ത്രീക്കും സാധിക്കും. സൗന്ദര്യം ഉള്ളിലാണ്, അല്ലാതെ സാരിയില് അല്ല. സൗന്ദര്യത്തിന്റെ കാര്യത്തില്എനിക്ക് എന്റേതായ കാഴ്ചപ്പാട് ഉണ്ട്. നിങ്ങളുടെ അഭിപ്രായം ആവശ്യമില്ല.
നടി സമൂഹമാധ്യമങ്ങളില് പോസ്റ്റ് ചെയ്യുന്ന ഗ്ലാമർ ചിത്രങ്ങള്ക്കെതിരെയായിരുന്നു വിമര്ശനമുയര്ത്തി സന്ദേശമയച്ചയാള്ക്കാണ് നടി പരസ്യമായി മറുപടി പറഞ്ഞത്. ഇത്തരത്തില് തന്നെ വിമര്ശിക്കുന്ന എല്ലാവര്ക്കും ഉള്ളതാണ് ഈ മറുപടി എന്നു പറഞ്ഞാണ് മാധുരി ഇതു പോസ്റ്റ് ചെയ്തത്.
https://www.facebook.com/Malayalivartha
