സണ്ണിലിയോണ്‍ അതിഥിയായെത്തുമ്പോള്‍
28 NOVEMBER 2018 10:32 PM IST
മലയാളി വാര്‍ത്ത
വിശാല്‍ ചിത്രമായ അയോഗ്യയില്‍ സണ്ണിലിയോണ്‍ ഒരു ഐറ്റം നമ്പര്‍ അവതരിപ്പിക്കുന്നു. അതിന്റെ ഭാഗമായി ഡിസംബര്‍ അവസാന ആഴ്ച ചെന്നൈയില്‍ ഒരു അടിപൊളിഗാനത്തിന് സണ്ണിലിയോണ്‍ ചുവടുവയ്ക്കുന്നത് ചിത്രീകരിക്കപ്പെടും. ജനുവരി 26 ന് റിലീസ് ചെയ്യാനൊരുങ്ങുന്ന അയോഗ്യയിലെ ഒരു പ്രധാന ഘടകമായിരിക്കും ലിയോണിന്റെ ഈ പദചലനങ്ങള്‍.
2014 ല്‍ റിലീസ് ചെയ്ത ജയ്യുടെ വടകുറി എന്ന ചിത്രത്തിലും ലിയോണ്‍ ഇത്തരത്തില്‍ ഐറ്റം നമ്പര്‍ അവതരിപ്പിച്ചിരുന്നു. കൂടാതെ 'വീരമാധവി'യിലെ നായികയുമായിരുന്നു. എ.ആര്‍. മുരുകദോസിന്റെ അസിസ്റ്റന്റായിരുന്നു സംവിധായകനായ വെങ്കിട്ട്‌മോഹന്‍.
രാശിഖന്നയാണ് നായികാവേഷത്തിലെത്തുന്നത്. കെ.എസ്. രവികുമാര്‍, പാര്‍ത്ഥിപന്‍ എന്നിവരും വിശാലിനൊപ്പം ഈ ചിത്രത്തിലുണ്ട്. സംഗീതം സാം സി.എസും എഡിറ്റിംഗ് ആന്റണി എല്‍. റൂബനും നിര്‍വ്വഹിക്കുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
