' ചാക്കോച്ചന്റെ ലോകം ഇപ്പോള്‍ മോനു ചുറ്റും തിരിഞ്ഞുകൊണ്ടിരിക്കുകയാണ്. കുഞ്ഞിനെ കെട്ടിപ്പിടിച്ചുറക്കുന്നു, എടുത്തു നടക്കുന്നു… ചിലപ്പോള്‍ രാത്രിയില‍്‍ കുഞ്ഞു കരഞ്ഞാല്‍ ഞാനറിയാറില്ല. പക്ഷേ, ചാക്കോച്ചന്‍ ചാടിയെഴുന്നേല്‍ക്കും.' പ്രിയ വാ തോരാതെ പറയുകയാണ്. മലയാളത്തിന്റെ പ്രിയ താരം കുഞ്ചാക്കോ ബോബന്‍ കുഞ്ഞുണ്ടായതിന്റെ സന്തോഷത്തിലാണ്. നീണ്ട വര്‍ഷത്തെ കാത്തിരിപ്പിനൊടുവില്‍ കിട്ടിയ കുഞ്ഞാണ് ഇപ്പോള്‍ തങ്ങളുടെ ലോകമെന്നു കുഞ്ചാക്കോയും ഭാര്യ പ്രിയയും പറയുന്നു. ഒാരോ തവണയും കുഞ്ഞു വേണമെന്ന മോഹം പരാജയപ്പെടുമ്ബോഴും 'സാരമില്ല. വിഷമിേക്കണ്ട നമ്മള്‍ ഹാപ്പിയായി ഇരുന്നാല്‍ മതി'യെന്നാണ് കുഞ്ചാക്കോ പറഞ്ഞുകൊണ്ടിരുന്നത് എന്നും പക്ഷേ, ഇപ്പോള്‍ അവനോടുള്ള ഇഷ്ടം കാണുമ്ബോള്‍ 'ദൈവമേ ഇത്രയും മോഹം ഉള്ളില്‍ ഒളിപ്പിച്ചിട്ടാണോ എന്നെ ആശ്വസിപ്പിച്ചതെന്ന്' തിരിച്ചറിയുന്നുണ്ടെന്നും പ്രിയ പങ്കുവച്ചു.