പൊതുദര്‍ശനമില്ല.... അന്തരിച്ച ചലച്ചിത്രതാരം റിസബാവയുടെ കോവിഡ് പരിശോധനാഫലം പോസിറ്റീവായതിനാല്‍ പൊതുദര്‍ശനം ഒഴിവാക്കി, കോവിഡ് പ്രോട്ടോക്കോള്‍ പാലിച്ച് ഖബറടക്കും
പൊതുദര്‍ശനമില്ല.... അന്തരിച്ച ചലച്ചിത്രതാരം റിസബാവയുടെ കോവിഡ് പരിശോധനാഫലം പോസിറ്റീവായതിനാല്‍ പൊതുദര്‍ശനം ഒഴിവാക്കി, കോവിഡ് പ്രോട്ടോക്കോള്‍ പാലിച്ച് ഖബറടക്കും
കൊച്ചിയിലെ സ്വകാര്യ ആശുപത്രിയില്‍ ഇന്നലെ വൈകുന്നേരമായിരുന്നു അന്ത്യം. വൃക്കസംബന്ധമായ അസുഖങ്ങളെ തുടര്‍ന്ന് കുറച്ചുകാലമായി ചികിത്സയില്‍ കഴിയുകയായിരുന്നു. കുറച്ചു ദിവസങ്ങളായി ജീവന്‍ നിലനിര്‍ത്തിയിരുന്നത് വെന്റിലേറ്ററിന്റെ സഹായത്തോടെയാണ്.
അടുത്ത സുഹൃത്തുക്കളും കുടുംബാംഗങ്ങളും മരണസമയത്ത് അടുത്തുണ്ടായിരുന്നു. വില്ലന്‍ വേഷങ്ങളിലും സ്വഭാവ നടനായും തിളങ്ങി നിന്ന റിസബാവ നാടകത്തിലൂടെയാണ് സിനിമയില്‍ എത്തിയത്.
സീരിയല്‍ രംഗത്തും ശ്രദ്ധനേടിയ താരം ഡബ്ബിംഗിലും മികവ് പുലര്‍ത്തിയിരുന്നു. ഡബ്ബിംഗിന് സംസ്ഥാന പുരസ്‌കാരം അദ്ദേഹത്തെ തേടിയെത്തിയിട്ടുമുണ്ട്. ബ്ലെസി സംവിധാനം ചെയ്ത പ്രണയം എന്ന ചിത്രത്തില്‍ ബോളിവുഡ് താരം അനുപം ഖേറിന് ശബ്ദം നല്‍കിയത് മികച്ച പ്രതികരണമുണ്ടാക്കി. ഷാജി കൈലാസ്-രഞ്ജി പണിക്കര്‍ ചിത്രം ഡോ. പശുപതിയിലൂടെയാണ് അദ്ദേഹം മലയാള സിനിമാ ലോകത്തേക്ക് എത്തിയത്.
സായികുമാര്‍ ചെയ്യാനിരുന്ന വേഷം അദ്ദേഹത്തിന്റെ തിരക്ക് മൂലം അപ്രതീക്ഷിതമായി റിസബാവ എന്ന നടനിലേക്ക് എത്തുകയായിരുന്നു. സിദ്ധിഖ്-ലാല്‍ കൂട്ടുകെട്ടില്‍ ഒരുങ്ങിയ ഇന്‍ ഹരിഹര്‍ നഗര്‍ എന്ന ചിത്രത്തിലെ ജോണ്‍ ഹോനായി എന്ന വില്ലന്‍ വേഷമാണ് അദ്ദേഹത്തെ മലയാള സിനിമാലോകത്ത് ശ്രദ്ധാകേന്ദ്രമാക്കിയത്.
കാബൂളിവാല, ചുക്കാന്‍, വധു ഡോക്ടറാണ്, തക്ഷശില ഭൂതക്കണ്ണാടി, ഇരിക്കൂ എംഡി അകത്തുണ്ട്, വക്കീല്‍ വാസുദേവ്, തിരുത്തല്‍വാദി, മലപ്പുറം ഹാജി മഹാനായ ജോജി, നേരറിയാന്‍ സിബിഐ, ആനവാല്‍മോതിരം, ഫസ്റ്റ് ബെല്‍, ബന്ധുക്കള്‍ ശത്രുക്കള്‍, ഹലോ, അനിയന്‍ ബാവ ചേട്ടന്‍ ബാവ, ചമ്പക്കുളം തച്ചന്‍, നിര്‍ണായകം, നസ്രാണി തുടങ്ങിയ 120 ഓളം സിനിമകളില്‍ ശ്രദ്ധേയമായ വേഷങ്ങള്‍ അവതരിപ്പിച്ചിട്ടുണ്ട്.
"
https://www.facebook.com/Malayalivartha
