ചമയത്തില്‍ ഭരതന്‍ മോഹന്‍ലാലിന് വെച്ച വേഷമാണ് മനോജ് കെ.ജയന് ലഭിച്ചത്. മോഹന്‍ലാലിനെയും തിലകനെയും വച്ച് ഭരതനും ജോണ്‍പോളും ചെയ്യാനിരുന്ന സിനിമയായിരുന്നു അത്. പക്ഷെ, തിലകന്റെയും മോഹന്‍ലാലിന്റെയും തിരക്ക് കാരണം അത് നടന്നില്ല. ഭരതന്‍ മനോജ് കെ.ജയനെ വിളിച്ചപ്പോള്‍ പ്രത്യേകം പറഞ്ഞിരുന്നു; ഈ വേഷം മോഹന്‍ലാലിനുവേണ്ടി മാറ്റിവെച്ചതായിരുന്നെന്ന്. സംസാരത്തിനിടെ ഒന്നുരണ്ടുതവണ ഭരതന്‍ അത് ഊന്നിപ്പറയുകയും ചെയ്തു. മനോജ് കെ.ജയന് ആദ്യം ഭയമാണ് തോന്നിയത്. 

ലാലേട്ടനെപോലൊരു ആര്‍ട്ടിസ്റ്റ് ചെയ്യേണ്ട വേഷം താന്‍ ചെയ്യുകയോ? പിന്നെ അതൊരു വെല്ലുവിളിയായി  ഏറ്റെടുത്തു.

പ്രേക്ഷകപ്രീതി മാത്രമല്ല ധാരാളം നിരൂപകപ്രശംസയും ആ ചിത്രം മനോജ് കെ.ജയന് നേടിത്തന്നു. അങ്ങനെ എഴുതപ്പെട്ട ഒരു ലേഖനത്തിലെ വാചകം ഇന്നും ഇങ്ങിനെയായിരുന്നു. അത് സൂര്യാ കൃഷ്ണമൂര്‍ത്തി എഴുതിയതായിരുന്നു. മോഹന്‍ലാലിനെപ്പോലെ അനായാസതയോടെ ആ വേഷം(ആന്റോ) ചെയ്യുന്ന ഒരാളായിരിക്കണം ഭരതന്റെ മനസ്സിലുണ്ടായിരുന്നത്. അതിനോട് പൂര്‍ണ്ണമായും നീതി പുലര്‍ത്താന്‍ മനോജ് കെ. ജയന്‍ എന്ന നടന് കഴിഞ്ഞിരിക്കുന്നു.

സത്യത്തില്‍ തനിക്ക് ലഭിച്ച ഏറ്റവും വലിയ അംഗീകാരങ്ങളില്‍ ഒന്നായിട്ടാണ് മനോജ് കെ.ജയന്‍ കാണുന്നത്. ലാലിനെ അനുകരിച്ചില്ലെങ്കിലും തന്റെ കഴിവിന്റെ പരമാവധി ആ കഥാപാത്രത്തെ നന്നാക്കാന്‍ കഴിഞ്ഞതിലുള്ള അഭിമാനം. അതിന് താന്‍ കടപ്പെട്ടിരിക്കുന്നത് ഒളി മറയത്തുനിന്നുള്ള ആ ഗുരുകൃപ തന്നെയാണെന്നറിയുന്നു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha