സുരേഷ് ഗോപിക്ക് പിറന്നാള്‍ ആശംസിച്ച് മോഹന്‍ലാല്‍
സുരേഷ്‌ഗോപിയ്ക്ക് പിറന്നാള്‍ ആശംസകളുമായി സൂപ്പര്‍സ്റ്റാര്‍ മോഹന്‍ലാല്‍. ഫേസ്ബുക്കിലടെയാണ് താരത്തിന് ലാല്‍ പിറന്നാള്‍ ആശംസകള്‍ നേര്‍ന്നത്. 1965ല്‍ പുറത്തിറങ്ങിയ 'ഓടയില്‍ നിന്ന്' എന്ന ചിത്രത്തില്‍ ബാലതാരമായാണ് സുരേഷ് ഗോപി അഭിനയ ജീവിതം തുടങ്ങുന്നത്. എണ്‍പതുകളോടെ അദ്ദേഹം സിനിമയില്‍ സജീവമായിരുന്നു.
സിനിമയിലെ രണ്ടാം വരവില്‍ മമ്മൂട്ടി നായകനായ 'പൂവിന് പുതിയ പുന്തെന്നല്‍' എന്ന ചിത്രത്തില്‍ വില്ലനായുള്ള പ്രകടനം സുരേഷ് ഗോപിയെ ശ്രദ്ധേയനാക്കി.തുടര്‍ന്ന് ചെറുതും വലുതുമായ വേഷങ്ങളില്‍ തിളങ്ങിയ സുരേഷ് ഗോപിക്ക് 'ഇരുപതാം നൂറ്റാണ്ട്', 'രാജാവിന്റെ മകന്‍' തുടങ്ങിയ ചിത്രങ്ങളിലെ വേഷങ്ങള്‍ കരിയറില്‍ നിര്‍ണ്ണായകമായി.
1992ല്‍ പുറത്തിറങ്ങിയ 'തലസ്ഥാനം' എന്ന ചിത്രത്തിലൂടെ അദ്ദേഹം നായകനിരയില്‍ സജീവമായി. 1994ല്‍ പുറത്തിറങ്ങിയ 'കമ്മീഷണര്‍' എന്ന സൂപ്പര്‍ ഹിറ്റ് ചിത്രം സുരേഷ് ഗോപിയെ സൂപ്പര്‍ നായകനാക്കി. 1997ല്‍ റിലീസ് ചെയ്ത 'കളിയാട്ടം' എന്ന ചിത്രത്തിലെ പ്രകടനം സുരേഷ് ഗോപിയെ ദേശീയ പുരസ്‌ക്കാരത്തിന് അര്‍ഹനാക്കി.
ടെലിവിഷന്‍ അവതാരകന്‍ എന്ന നിലയിലും അദ്ദേഹം ശ്രദ്ധേയനാണ്.രാഷ്ട്രീയത്തില്‍ ഇറങ്ങിയ സുരേഷ്‌ഗോപി രാജ്യസഭാ അംഗവുമാണ്. കഴിഞ്ഞ മാസം അദ്ദേഹം ദേശീയ ചലച്ചിത്ര വികസന കോര്‍പ്പറേഷന്‍ ചെയര്‍മാനായി തെരഞ്ഞെടുക്കപ്പെട്ടിരുന്നു. ഈ പദവിയില്‍ എത്തുന്ന ആദ്യ മലയാളിയാണ് സുരേഷ് ഗോപി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
