ഷൂട്ടിംഗിനിടയില് പ്രമുഖ നടന്റെയും സംവിധായകന്റെയും ലൈംഗിക ചൂഷണത്തിനി രയായിട്ടുണ്ടെന്ന് നടി
സിനിമയിലെ ലൈംഗിക ചൂഷണത്തിനെതിരെ പ്രശസ്ത ഹോളിവുഡ് നടി രംഗത്ത്. ഷൂട്ടിംഗിനിടയില് സഹനടന്റെയും സംവിധായകന്റെയും ലൈംഗിക ചൂഷണത്തിനിരയായിട്ടുണ്ടെന്ന് ഹോളിവുഡ് നടി താന്ഡി ന്യൂട്ടന് പറഞ്ഞു. ഒരു വനിതാ മാഗസിന് നല്കിയ അഭിമുഖത്തിലായിരുന്നു ഈ തുറന്നു പറച്ചില്.
ഇത് ഏതൊരു സിനിമാ വ്യവസായത്തിന്റെയും പ്രശ്നമാണെന്ന് 43 കാരിയായ താന്ഡി പറയുന്നു. 2000 നും 2004 നും ഇടയില് ആദ്യ കുട്ടിയെ പ്രസവിച്ചതിന് പിന്നാലെയായിരുന്നു സംഭവമെന്ന് വ്യക്തമാക്കിയ താരം പക്ഷേ നടന്റെയോ സംവിധായകന്റെയോ പേര് വെളിപ്പെടുത്താന് തയ്യാറായില്ല.
മിഷന് ഇംപോസിബിള് 2, ക്രാഷ്, ദി പെര്സ്യൂട്ട് ഓഫ് ഹാപ്പിനെസ് തുടങ്ങിയ സിനിമകളിലൂടെ പ്രശസ്തയാണ് താന്ഡി. സഹതാരം ബലാത്സംഗത്തിന് ഒരുങ്ങുകയും വിവാഹം കഴിക്കാന് ശ്രമിക്കുകയും ചെയ്തു. താന് ഒരു കുട്ടിയുടെ അമ്മയും ഭര്ത്താവുള്ള സ്ത്രീയുമാണ് താങ്കള് എന്താണ് ചെയ്യുന്നതെന്ന് ചോദിച്ചു.
ഓഡീഷന് സമയത്ത് തന്നെ ലൈംഗിക ചൂഷണം നടത്തിയതിലൂടെ ഒരു സംവിധായകന് നേട്ടമുണ്ടാക്കിയിട്ടുണ്ടെന്നും താന്ഡി പറഞ്ഞു. ക്യാമറയ്ക്ക് മുന്നില് അടിവസ്ത്രം ഉയര്ത്തി രഹസ്യഭാഗത്ത് സ്പര്ശിച്ച് സ്വവര്ഗ പ്രണയിയെ പോലെ അഭിനയിക്കാനായിരുന്നു ആവശ്യപ്പെട്ടത്. ഒരു ചെറിയ കാര്യമല്ലേ എന്നോര്ത്ത് ഫീമെയില് കാസ്റ്റിംഗ് ഡയറക്ടര്ക്ക് മുന്നില് അക്കാര്യം ചെയ്തു. വര്ഷങ്ങള്ക്ക് ശേഷം ഒരു ചലച്ചിത്രോത്സവത്തില് പങ്കെടുക്കുമ്പോള് ഒരു നിര്മ്മാതാവ് കുടിച്ചു കൂത്താടി അടുത്തെത്തി ഈ ടേപ്പിന്റെ കാര്യത്തില് മോശമായി പെരുമാറി. ഓഡിയേഷന് നടത്തിയ സംവിധായകന് വീഡിയോ നിര്മ്മാതാവിനെ കാണിച്ചതിന്റെ പ്രതികരണമായിരുന്നു അതെന്ന് നടി പറഞ്ഞു.
തുടക്ക കാലത്ത് താന് ഏറെ നിഷ്ക്കളങ്കയായിരുന്നു. ഇപ്പോള് തന്റെ കുട്ടികളെ ഇതിനെതിരെ മികച്ച രീതിയില് തയ്യാറെടുപ്പിക്കുന്നുണ്ടെന്ന് താന്ഡി പറഞ്ഞു.
https://www.facebook.com/Malayalivartha