കോഴിക്കോട് മലയാളികളുടെ പ്രിയ നടന് മോഹന്ലാലിനെ ആദരിക്കുന്നു
മോഹനം2016 എന്ന പേരില് ആഗസ്റ്റ് 15ന് മലയാളികളുടെ പ്രിയ നടന് മോഹന്ലാലിനെ കോഴിക്കോട് ആദരിക്കുന്നു. മോഹന്ലാലിന് ഏറ്റവും പ്രിയപ്പെട്ട നഗരമാണ് കോഴിക്കോട്. അതുകൊണ്ടു തന്നെ കോഴിക്കോട് നഗരത്തില് മഹാനായ കലാകാരന് ആദരമൊരുക്കുകയാണ് ലക്ഷ്യമെന്ന് സ്വാഗതസംഘം ചെയര്മാന് മേയര് തോട്ടത്തില് രവീന്ദ്രന്, ജനറല് കണ്വീനര് സംവിധായകന് രഞ്ജിത്ത് എന്നിവര് വാര്ത്താസമ്മേളത്തില് അറിയിച്ചു.
മോഹന് ലാലിന്റെ വളര്ച്ചയില് കൂടെയുണ്ടായ 11 സംവിധായകരോടൊപ്പമുള്ള കലാജീവിതയാത്ര പരിപാടിയില് ആവിഷ്കരിക്കും. മോഹന് ലാലിനും സംവിധായകര്ക്കുമൊപ്പം ദുല്ഖര് സല്മാന്, പൃഥ്വി രാജ് തുടങ്ങി മറ്റ് പ്രമുഖ നടീനടന്മാരും കലാ സാംസ്കാരിക രാഷ്ട്രീയ പ്രവര്ത്തകരും പരിപാടിയില് ഒന്നിക്കും. കോട്ടയം നസീര്, സുരാജ് വെഞ്ഞാറമ്മൂട് എന്നിവരുടെ നേതൃത്വത്തില് ഹാസ്യ പരിപാടികളുണ്ടാവും. സ്വപ്നനഗരിയില് 5000 പേര്ക്ക് ഇരിപ്പിടമൊരുക്കും.
പ്രവേശം സൗജന്യമെങ്കിലും പാസ് മുഖേന നിയന്ത്രിക്കും. വൈകുന്നേരം 6.15 മുതല് മൂന്നര മണിക്കൂറാണ് പരിപാടി. രോഗവും മറ്റും കാരണം നാടിന്റെ കാരുണ്യം ആവശ്യമുള്ള കലാകാരന്മാരെ സഹായിക്കാന് ഫണ്ട് സ്വരൂപിക്കുക എന്ന ലക്ഷ്യവുമുണ്ട്. മോഹനം2016ല് നിന്നുള്ള ലാഭംകൊണ്ട് തിരക്കഥാകൃത്ത് ടി.എ. റസാഖടക്കമുള്ളവരെ സഹായിക്കുകയാണ് ലക്ഷ്യം.
https://www.facebook.com/Malayalivartha