ചോദ്യം സിമ്പിളായിരുന്നു, പക്ഷെ ഉത്തരത്തിന് വേണ്ടി ഒരു നിമിഷം പോലും ആലോചിക്കാത്ത സല്‍മാന്‍ഖാന്‍ പറഞ്ഞു ' ഇപ്പോഴും വിര്‍ജിനാണ്'. യൂലിയ വന്ദൂറുമായി പ്രണയവും വിവാഹവും ഗോസിപ് കോളങ്ങളില്‍ വന്നപ്പോഴും സല്‍മാന്റെ ആരാധകര്‍ക്ക് അറിയേണ്ടതും ഇത് തന്നെയായിരുന്നു. അവസാനം സല്‍മാന് അവര്‍ക്ക് മുന്നില്‍ പറയേണ്ടി വന്നു.

നവാസുദ്ദീന്‍ സിദ്ധിക്കിയുടെ സിനിമയായ ഫ്രീക്കി അലിയുടെ ട്രെയിലര്‍ ലോഞ്ചിന് എത്തിയപ്പോഴാണ് ഇത്തരത്തില്‍ ഒരു ചോദ്യത്തിന് ഉത്തരം പറയേണ്ടി വന്നത്. നവാസുദ്ദീന്‍ സിദ്ദിക്കിയോട് ചോദിച്ച ചോദ്യം പിന്നീട് സല്‍മാനിലേക്ക് തിരിയുകയായിരുന്നു. വിര്‍ജിനാണോ എന്നായിരുന്നു ചോദ്യം. ' ജീവിതത്തില്‍ ഇതു വരെ വിവാഹവും സെക്‌സും ഉണ്ടായിട്ടില്ല, ഇപ്പോഴും വിര്‍ജിനാണ്' എന്ന രസകരമായ ഉത്തരമാണ് നല്‍കിയത്.

യൂലിയ വന്ദൂറുമായി പ്രണയത്തിലാണ് എന്ന് ഗോസിപ്പുകള്‍ വന്നിരുന്നു. ഇവരുടെ ലിപ്പ് ലോക്ക് ഫോട്ടോകള്‍ പ്രചരിച്ചു എന്നും. എന്നാല്‍ യൂലിയയുമായി ഒരു ബന്ധവും ഇല്ലെന്നാണ് സല്ലു പറയുന്നത്.