കൃഷ്ണപ്രഭ ഒരു വര്ഷം അവധിയെടുത്തത് എന്തിന്
സാധാരണ സിനിമയില് തിരക്കാകുമ്പോള് താരങ്ങള് മറ്റെല്ലാ തിരക്കുകളും ഉപേക്ഷിക്കാന് തയ്യാറാകും. എന്നാല് യുവതാരം കൃഷ്ണപ്രഭ അങ്ങനെയല്ല. നല്ല വേഷങ്ങള് ചെയ്തുകൊണ്ടിരുന്ന സമയത്താണ് ബാംഗ്ലൂരില് ഭരതനാട്യം ഡിപ്ളോമ കോഴ്സിന് ചേര്ന്നത്. കഴിഞ്ഞ ഒരു വര്ഷം അതിന്റെ തിരക്കിലായിരുന്നു. ഇതിനിടെ പലരും താരത്തെ വിളിച്ചുകൊണ്ടിരുന്നു. എന്നാല് അസൈന്മെന്റ്സും പരീക്ഷയും കാരണം ഒന്നും കമ്മിറ്റ് ചെയ്യാന് പറ്റിയില്ല. ഇപ്പോള് രണ്ട് സിനിമകളുടെ കരാര് ഒപ്പിട്ട് കഴിഞ്ഞു. പുതിയ തിരക്കഥകള് കേട്ടുകൊണ്ടിരിക്കുകയാണ്. കോലുമിട്ടായി എന്ന ചിത്രത്തില് ശ്രദ്ധേയമായ വേഷമാണ്.
സിനിമയ്ക്കൊപ്പം അല്ലെങ്കില് സിനിമയേക്കാള് കൃഷണപ്രിയ നൃത്തത്തിന് പ്രാധാന്യം നല്കുന്നു. അടുത്ത വര്ഷം ഡാന്സ് പ്രൊഡക്ഷന് ടീം തുടങ്ങാന് പദ്ധതിയിട്ടിരിക്കുകയാണ് താരം. നൃത്തവും സംഗീതവും കോര്ത്തിണക്കിയുള്ള പരിപാടിയാണ് ഉദ്ദേശിക്കുന്നത്. സീത എന്നാണ് ആദ്യ പരിപാടിക്ക് പേരിട്ടിരിക്കുന്നത്. അതേസമയം സംഖ്യാശാസ്ത്രപ്രകാരം തന്റെ പേരില് താരം മറ്റങ്ങള് വരുത്തി. കൃഷ്ണപ്രഭ എന്ന പേരില് നിന്നും എച്ച് എന്ന അക്ഷരം എടുത്ത് കളഞ്ഞു. ബാംഗ്ലൂരിലെ പഠനകാലം തന്റെ ജീവിതം മാറ്റിമറിച്ചെന്നാണ് താരം പറയുന്നത്. സിനിമയില് ദീര്ഘകാലം നില്ക്കാനാകുമെന്ന് ആര്ക്കും പ്രവചിക്കാനാവില്ല. എന്നാല് കലാജീവിതം തുടരണമെന്നാണ് ആഗ്രഹം. അതിനാണ് ഡാന്സില് കൂടുതല് ശ്രദ്ധ കേന്ദ്രീകരിക്കുന്നത്.
https://www.facebook.com/Malayalivartha
