കുട്ടിക്കാലം മുതല്‍ സിനിമയില്‍ നിറഞ്ഞുനിന്നിരുന്ന നായികയാണിത്. സിനിമ വിട്ടുപോകുന്നത് അച്ഛനെയും അമ്മയെയും വിട്ടുപോവുന്നതുപോലെ സങ്കടമുള്ളതാണെന്നും നായിക പറയുന്നു. മോഹന്‍ലാലിനെ കല്ല്യാണം കഴിക്കണമെന്നായിരുന്നു കുഞ്ഞിലേ എന്റെ വലിയ ആഗ്രഹം. ഇത് പറയുന്നത് മലയാളികളുടെ പ്രിയപ്പെട്ട നായിക കാവ്യാ മാധവനാണ്.

വീട്ടിലെല്ലാവരും ലലേട്ടന്‍ ഫാന്‍സായിരുന്നു. ലാലേട്ടനൊപ്പം വളരെ കുറച്ചു സിനിമകളേ ഞാന്‍ ചെയ്തിട്ടുള്ളൂ. ആദരവോടെ അല്‍പം അകലത്തുനിന്നാണ് ഇന്നും ലാലേട്ടനെ കാണുന്നത്.' കാവ്യ വ്യക്തമാക്കി. വീട്ടില്‍ എത്ര പിണങ്ങിയിരുന്നാലും മോഹന്‍ലാലിന്റെ സിനിമ കാണാന്‍ പോകാം എന്നു പറഞ്ഞാല്‍ താന്‍ ചാടി എഴുന്നേറ്റുവരുമായിരുന്നത്രെ.

മമ്മൂക്ക ഞങ്ങളുടെ വീട്ടിലെ അംഗത്തെ പോലെയാണ്. മനസ്സിലുള്ളത് വെട്ടിത്തുറന്ന് പറയുന്നത് കൊണ്ട് ചൂടനെന്ന് തോന്നിക്കുന്ന, എന്നാല്‍ നമ്മളോട് ഒരുപാട് കരുതലുള്ള ആളാണ് മമ്മൂക്ക.

തെങ്കാശിപ്പട്ടണത്തിന്റെ ഷൂട്ടിങ് ലൊക്കേഷനില്‍ വച്ചാണ് ആദ്യമായി സുരേഷോട്ടനെ കാണുന്നത്. പിന്നെ ഇങ്ങോട്ട് ഒരു വല്യേട്ടനെ പോലെയാണ് അദ്ദേഹം.എനിക്ക് ആത്മബന്ധമുള്ള എത്രയോ പേര്‍ സിനിമയിലുണ്ട്. എന്റെ പ്രിയപ്പെട്ട കൂട്ടുകാരില്‍ പലരും സിനിമയുമായി ബന്ധമുള്ളവരാണ് കാവ്യ മാധവന്‍ പറഞ്ഞു.