അഭിനയ മോഹം വിവാഹ ബന്ധത്തിലെത്തിച്ചു; അവസാനം ചാന്സില്ലാതെ വലഞ്ഞ് പ്രിയതാരം
അമലാ പോളിന്റെ വിവാഹ മോചന വാര്ത്തകള്ക്ക് പിന്നാലെ തമിഴകത്ത് അമലാ പോളിന് അവസരങ്ങള് കുറയുന്നതായി റിപ്പോര്ട്ട്. സംവിധാനയകന് എ എല് വിജയ്യുമായുള്ള വിവാഹമോചനം സംബന്ധിച്ചുള്ള എല്ലാ പ്രതികരണങ്ങളും അമലാ പോളിനെ കുറ്റപ്പെടുത്തിയുള്ളതാണ്. വിവാഹത്തിനു ശേഷവും അഭിനയ മോഹം ഉണ്ടായതിനെ തുടര്ന്ന് അമല വീണ്ടും സിനിമയില് സജീവമായതാണ് വിവാഹ മോചനത്തിലേക്ക് കാര്യങ്ങളെത്തിച്ചതെന്നാണ് പുറത്തുവരുന്ന വിവരങ്ങള്.
ബന്ധം വേര്പ്പെടുത്തുവാനുള്ള തീരുമാനമെടുത്തതോടെ അമലയെ നായികയായി ആലോചിച്ച പല ചിത്രങ്ങളില് നിന്നും നടിയെ മാറ്റി എന്നാണ് കേള്ക്കുന്നത്. മാത്രമല്ല, വിജയ് യുടെ അച്ഛന് എ എല് അളകപ്പനും വിജയ് യ്ക്കും തമിഴ് സിനിമാ ലോകവുമായി നല്ല ബന്ധമാണുള്ളത്. ഇരുവരുമായുള്ള ബന്ധം കണക്കിലെടുത്താണ് പലരും അമലയെ ഒഴിവാക്കുന്നതെന്നും വാര്ത്തകളുണ്ട്.
സിനിമാ നിര്മ്മാതാവായ അളകപ്പനെയും കുടുംബത്തേയും നീരസപ്പെടുത്തിക്കൊണ്ടുള്ള ഒരു തീരുമാനത്തിനും തമിഴ് സിനിമാ സംവിധായകരും നിര്മ്മാതാക്കളും തയ്യാറാവുന്നില്ലെന്നാണ് റിപ്പോര്ട്ടുകള്. എന്നാല് വരുന്ന മൂന്ന് വര്ഷത്തേക്ക് നടിക്ക് ഡേറ്റില്ലെന്നാണ് വിവരങ്ങള്. മാത്രമല്ല, വിവാഹ മോചനം സംബന്ധിച്ചുള്ള വാര്ത്തയോട് പ്രതികരിക്കുവാനും അമല ഇതുവരെ തയ്യാറായിട്ടില്ല. ഇപ്പോള് ധനുഷിന്റെ വട ചെന്നൈ എന്ന ചിത്രത്തിലാണ് നടി അഭിനയിക്കുന്നത്.
https://www.facebook.com/Malayalivartha