മൂന്നാനമ്മപ്പോര് സിനിമയിലും.... മുട്ടന് ഉടക്ക് കാരണം സിനിമയും പ്രതിസന്ധിയിലായി
കമലഹാസന്റെ ഇപ്പോഴത്തെ പങ്കാളിയാണ് നടി ഗൗതമി. അതായത് ശ്രുതി ഹാസന്റെ മൂന്നാനമ്മ. വാണി ഗണപതി, സരിക എന്നവരാണ് കമലിന്റെ പഴയ ഭാര്യമാര്. ശ്രുതിയും ഗൗതമിയും തമ്മില് നല്ല അടുപ്പമായിരുന്നെങ്കിലും അതിന് കോട്ടം തട്ടിയെന്ന വാര്ത്തയാണ് വരുന്നത്.
ശ്രുതി ഹാസനും, ഗൗതമിയും തമ്മില് പരസ്യമായി കലഹമെന്നു റിപ്പോര്ട്ടാണ് വരുന്നത്. ഇവരുടെ കലഹം മൂലം ഇരുവരും ഒന്നിച്ചെത്തുന്ന ചിത്രത്തിന്റെ ഷൂട്ടിങ് മാറ്റിവെക്കേണ്ടിവന്നു. കമലഹാസന് നായകനായി എത്തുന്ന സബാഷ് നായിഡു എന്ന ചിത്രത്തിലാണു ഗൗതമിയും ശ്രുതിയും ഒന്നിച്ചെത്തുന്നത്. ചിത്രത്തിന്റെ കോസ്റ്റിയൂം ഡിസൈനറാണു ഗൗതമി.
ഗൗതമി തിരഞ്ഞെടുക്കുന്ന വസ്ത്രങ്ങള് ശ്രുതി ഹാസന് ഇഷ്ടപ്പെടുന്നില്ല എന്നതാണു കലഹത്തിനുള്ള പ്രധാനകാരണം. ഇതല്ല തന്റെ സ്റ്റൈലെന്നും ഇങ്ങനെയുള്ള വാസ്ത്രങ്ങള് താന് ധരിക്കില്ലെന്നും ശ്രുതി പറയുന്നു. എത്ര വസ്ത്രങ്ങള് മാറ്റി കൊണ്ടു വന്നാലും അതൊന്നും ധരിക്കാന് താരം കൂട്ടാക്കിയില്ല. ഒടുവില് സ്വന്തം ഇഷ്ടത്തിനു വസ്ത്രങ്ങള് തിരഞ്ഞെടുക്കുകയായിരുന്നു ശ്രുതി.
https://www.facebook.com/Malayalivartha