ബോയ്ഫ്രണ്ടിലൂടെയാണ് ഇടുക്കി മൂലമറ്റം സ്വദേശിനിയായ ഹണിറോസ് സിനിമയിലെത്തുന്നത്. തുടക്കം അല്പം മോശമായിരുന്നെങ്കിലും ഇപ്പോള്‍ മലയാളത്തിലെ തിരക്കിട്ട നടിമാരില്‍ ഒരാളാണ് ഹണീ റോസ്. പെരുമ്പാവൂരിലെ ജിഷ വധക്കേസ് തന്റെ ജീവിതത്തിലെ നിര്‍ണായകമായ തീരുമാനമെടുക്കുന്നതിനു കാരണമായെന്ന് പ്രശസ്ത ചലച്ചിത്ര താരം ഹണീ റോസ്. ജിഷ വധം നടന്നതിനു ശേഷം ഒറ്റയ്ക്ക് സഞ്ചരിക്കാനുള്ള തന്റെ ധൈര്യം ചോര്‍ന്നിരിക്കുന്നു. ഇനി ഓട്ടയയ്ക്കു സഞ്ചരിക്കാനാവില്ല കൂടെ ആള് വേണമെന്നും താരം വ്യക്തമാക്കി. നേരത്തെ വിവാഹമേ വേണ്ടെന്നു വച്ചിരുന്ന താരം ഇപ്പോള്‍ സുരക്ഷിതയാവണമെങ്കില്‍ വിവാഹം കഴിക്കണമെന്നുമാണ് നടി പറയുന്നത്.

മനസ്സിനിണങ്ങിയ ആരെങ്കിലും കണ്ടെത്തിയാല്‍ ഉടന്‍ വിവാഹമുണ്ടാകും, എന്നാല്‍ ഏതെങ്കിലുമൊരാളെ വിവാഹം കഴിക്കാനൊന്നും തയാറല്ലന്നു താരം. നേരത്തേ പല അഭിമുഖങ്ങളിലും ഏതെങ്കിലും ഒരുത്തന്റെ ഭാര്യയായി ജീവിതകാലം മുഴുവന്‍ തള്ളിനീക്കാന്‍ ആഗ്രഹിക്കുന്നില്ലെന്ന് ഹണി വ്യക്തമാക്കിയിരുന്നു.

എന്നാല്‍ നടിയിപ്പോള്‍ ഒരു യുവനടനുമായി പ്രണയത്തിലാണെന്നാണ് സിനിമ സെറ്റുകളില്‍ നിന്നും ലഭിക്കുന്ന സൂചന. അതാണ് വിവാഹമേ വേണ്ടെന്നു വച്ച തീരുമാനം പിന്‍വലിക്കാന്‍ കാരണമായതെന്ന് ആണ് ഹാനിയോട് അടുത്ത വൃത്തങ്ങള്‍ സൂചിപ്പിക്കുന്നത്.