ശാലിനിയും കുഞ്ചാക്കോ ബോബനും തമ്മില്‍ വിവാഹം കഴിച്ചിരുന്നെങ്കില്‍ എന്ന് ഒരു കാലത്ത് ആഗ്രഹിച്ചവരാണ് നമ്മളെല്ലാവരും. അവരെന്ത് കെട്ടാത്തതെന്ന് പലപ്പോഴും ചോദിച്ചിട്ടുമുണ്ട്. എന്നാല്‍ അതിനുത്തരം കുഞ്ചാക്കോ ബോബന്‍ തന്നെ പറഞ്ഞു. പ്രമുഖ മാധ്യമത്തിന് നല്‍കിയ അഭിമുഖത്തിലാണ് ചാക്കോച്ചന്‍ മനസ്സ് തുറന്നത്.

താനും അഭിനയിച്ച സിനിമകള്‍ ഹിറ്റായതോടെ ജീവിതത്തിലും ഈ ജോഡിയെ ഒരുമിച്ച് കാണാന്‍ ആഗ്രഹിച്ചവരുണ്ടെന്നു നടന്‍ കുഞ്ചാക്കോ ബോബന്‍ പറയുന്നു. പക്ഷെ ഞങ്ങള്‍ക്കൊരിക്കലും അങ്ങനെ തോന്നിയിട്ടില്ലെന്നും നല്ല സുഹൃത്തുക്കളാകാനായിരുന്നു താല്‍പ്പര്യമെന്നും കുഞ്ചാക്കോ ബോബന്‍ വെളിപ്പെടുത്തി. നിറം സിനിമയുടെ സമയത്താണ് അജിത് ശാലിനി പ്രണയം സംഭവിക്കുന്നത്. ആ സമയത്തു ഇരുവര്‍ക്കിടയില്‍ ഹംസത്തിന്റെ റോളിലായിരുന്നു താനെന്നും ചാക്കോച്ചന്‍ പറയുന്നു.

എന്നോടു ഏറ്റവും അധികം ദേഷ്യമുണ്ടായിരുന്ന വ്യക്തി ചിലപ്പോള്‍ പോസ്റ്റ്മാനായിരിക്കും. കാരണം അത്രയധികം കത്തുകളായിരുന്നു ഒരുകാലത്തു തനിക്കു കിട്ടിക്കൊണ്ടിരുന്നത്. ചാക്കുകണക്കിനു കത്തുകളായിരുന്നു വന്നത്. പരമാവധി വായിക്കാനും മറുപടി അയക്കാനും ശ്രമിച്ചിട്ടുണ്ട്.

അന്ന് വീട്ടിലേക്കു നിരന്തരമായി വിളിക്കാറുണ്ടായിരുന്ന ഒരു പെണ്‍കുട്ടിയുണ്ടായിരുന്നു. എന്നെ ഇന്റര്‍വ്യൂ ചെയ്യുകയായിരുന്നു ആവശ്യം. സമയം നിശ്ചയിച്ച് ആ പെണ്‍കുട്ടി വീട്ടിലെത്തി. അഭിമുഖത്തിനൊരുങ്ങി. പെണ്‍കുട്ടിയുടെ ആദ്യ ചോദ്യം ഇതായിരുന്നു നിങ്ങളാരാണ്? ചെറുതായിട്ട് കിളി പോയ ആളാണെന്നു അപ്പോഴാണ് മനസിലായതെന്ന് കുഞ്ചാക്കോ ബോബന്‍ പറയുന്നു.