നന്നായി ജീവിച്ചുവരുന്ന തങ്ങളെപ്പറ്റി ഗോസിപ്പുകള്‍ പടരുന്നതില്‍ അസ്വസ്ഥയാണ് കനുഹ. നുണ കഥകളിലും ഗോസിപ്പുകളിലും തളരുന്നയാളല്ല താനെന്ന് കനിഹ പറഞ്ഞു. ഭര്‍ത്താവ് ശ്യാമുമായുള്ള തന്റെ വിവാഹ മോചനവുമായി ബന്ധപ്പെട്ട് ചില മാദ്ധ്യമങ്ങളില്‍ വന്ന വാര്‍ത്തകളോട് പ്രമുഖ മാസികയ്ക്ക് നല്‍കിയ അഭിമുഖത്തിലാണ് കനിഹ ഇങ്ങനെ പ്രതികരിച്ചത്.

അമലപോള്‍, ദിവ്യ ഉണ്ണി തുടങ്ങിയവരുടെ വിവാഹ മോചന വാര്‍ത്തകള്‍ സിനിമാലോകത്ത് ചര്‍ച്ചയാവുന്ന വേളയിലാണ് കനിഹയും വിവാഹമോചനം നടത്തുകയാണെന്ന വാര്‍ത്ത പ്രചരിപ്പിച്ചത്. 

മറ്റുള്ളവരുടെ വേദനയെപ്പോലും ആഘോഷമാക്കിമാറ്റുക എന്നത് ചിലരുടെ ഒരു തരം വിനോദമാണ്. അത്തരക്കാരോട് തനിക്ക് പറയാന്‍ ഒന്നേ ഉള്ളു. ഇത്തരം വാര്‍ത്തകള്‍ പ്രസിദ്ധീകരിക്കുന്നതിന് മുന്‍പ് തന്നോട് ഒന്ന് ചോദിക്കുക എന്ന മര്യാദയെങ്കിലും കാണിക്കാമായിരുന്നുവെന്നും നടി പറയുന്നു. താനും ഭര്‍ത്താവും പിരിയുന്നത് പോയിട്ട് നന്നായി ഒന്നു വഴക്ക് കൂടിയിട്ട് പോലും ഒരുപാട് കാലമായെന്നും അവര്‍ പറയുന്നു. ഭര്‍ത്താവ് ശ്യാമും മകന്‍ ഋഷിയുമാണ് തന്റെ ലോകം മകനെ നാട്ടിലെ സംസ്‌കാരവുമായി ചേര്‍ത്ത് നിര്‍ത്താനായി അമേരിക്കന്‍ ജീവിതമുപേക്ഷിച്ച് നടിയും ഭര്‍ത്താവും ഇന്ത്യയിലേക്ക് വരികയായിരുന്നു

കുടുംബജീവിതം പരിപാവനമായി കാണുന്നയാളാണ് താന്‍. പരസ്പര വിശ്വാസവും സ്‌നേഹവുമാണ് അതിന്റെ അടിത്തറ. ഇങ്ങനെയൊരു വാര്‍ത്ത വന്നുവെന്നറിഞ്ഞപ്പോള്‍ ദേഷ്യമാണ് തോന്നിയതെന്നും പകച്ചുപോയെന്നും അവര്‍ പറഞ്ഞു. എന്താണ് സംഭവിച്ചതെന്ന് ആരാഞ്ഞ് ഫോണ്‍ കോളുകളുടെ പ്രവാഹവുമായിരുന്നുവെന്നും അവര്‍ പറയുന്നു. പക്ഷേ കേട്ട വാര്‍ത്ത ശരിയാണോ എന്നു ആരു തന്നെ തിരക്കിയില്ല. ഒരുപാട് വിഷമം തോന്നിയെങ്കിലും ഭര്‍ത്താവ് ശ്യാമിന്റെ വാക്കുകളും പിന്തുണയും തനിക്ക് വലിയ ആശ്വാസവും പിന്തുണയും നല്‍കിയതായും അവര്‍ പറയുന്നു. ഇങ്ങനെയൊരു വാര്‍ത്ത അടിസ്ഥാനരഹിതമാണെന്നും തെറ്റാണെന്നും നമുക്ക് അറിയാമല്ലോ എന്നാണ് ഭര്‍ത്താവ് ശ്യാം തന്നോട് പറഞ്ഞതെന്നും എല്ലാവര്‍ക്കും മറുപടിയായി വാര്‍ത്തയുടെ സത്യാവസ്ഥ ഒരു ഫേസ്ബുക്ക് പോസ്റ്റായി കുറിക്കുകയുമായിരുന്നു.

കനിഹ ചെന്നൈയില്‍ ഒരു ഫാഷന്‍ ഷോയില്‍ പങ്കെടുത്തതും ഇടയ്ക്ക് വാര്‍ത്തയായരുന്നു. എല്ലാ വര്‍ഷവും ചെന്നൈ ഫാഷന്‍ ഷോയില്‍ പങ്കെടുക്കാറുണ്ടെന്നും അതിന്റെ പേരിലും ഓരോ വാര്‍ത്തകള്‍ ഉണ്ടാകുമെന്നും അവര്‍ പറയുന്നു. വയര്‍ കാണുന്ന രീതിയില്‍ വസ്ത്രം ധരിച്ചതാണ് കഴിഞ്ഞ തവണ വാര്‍ത്തയായത്.ഗര്‍ഭധാരണത്തിന്റെയും പ്രസവത്തിന്റെയുമൊക്കെ ഭാഗമായി സ്ത്രീകളുടെ ശരീരത്തില്‍ ചില മാറ്റങ്ങളുണ്ടാകും മിക്കവാറും നടികള്‍ പ്ലാസ്റ്റിക് സര്‍ജറിയിലൂടെ അതിന് പരിഹാരം കാണും പക്ഷേ താന്‍ അത് ഇഷ്ടപെടുന്നയാളല്ല.

ഗര്‍ഭധാരണവും പ്രസവുമൊക്കെ ദൈവത്തിന്റെ അനുഗ്രം കൊണ്ട് കിട്ടുന്നതാണ് അതില്‍ നാണം തോന്നേണ്ട യാതൊരു കാരണവുമില്ല. വിവാദങ്ങളോടെല്ലാം പ്രതികരിക്കുന്നയാളല്ല താനെന്നും തന്നെ വിഷമിപ്പിക്കുന്നവയോട് മാത്രമെ പ്രചതികരിക്കാറുള്ളുവെന്നും കനിഹ പറഞ്ഞു.