വെല്ലുവിളികള് നിറഞ്ഞ വഴിയിലൂടെയുള്ള എന്റെ യാത്രയുടെ അവസാനമാണീ വിവാഹമോചനം, ഇപ്പോള് ഒരു ആശ്വാസം !!!!!! മനസ് തുറന്ന് ലിസി
ഒടുവില് 24 വര്ഷത്തെ ദാമ്പത്യ ജീവിതത്തില് നിന്നും പ്രിയദര്ശനും ലിസിയും നിയമപരമായി ബന്ധം വേര്പിരിഞ്ഞു. ചെന്നൈ കുടുംബ കോടതിയില് ഇതുമായി ബന്ധപ്പെട്ട അവസാന പേപ്പറുകളില് ഇരുവരും ഒപ്പ് വച്ചു. ലിസി പുറത്തിറക്കിയ പത്രക്കുറിപ്പിലാണ് ഇതുമായി ബന്ധപ്പെട്ട സ്ഥിരീകരണം ഉണ്ടായിരിക്കുന്നത്.
പത്രക്കുറിപ്പില് പറഞ്ഞിരിക്കുന്നതിങ്ങനെ
ഹൃതിക്-സുസൈന്, മഞ്ജു-ദിലീപ്, അമല-വിജയ് അങ്ങനെ തുടങ്ങി അടുത്തിടെ നടന്ന വിവാഹമോചനങ്ങളില് പങ്കാളികള് പരസ്പരം ബഹുമാനിച്ചിരുന്നെന്നും ഞങ്ങളുടെ കാര്യത്തില് അത് അങ്ങനെയല്ലായിരുന്നുവെന്നും ലിസി പറയുന്നു. കോടതിക്ക് അകത്തും പുറത്തും പരസ്പരബഹുമാനമില്ലാത്തതും ബഹളങ്ങളും നിറഞ്ഞതായിരുന്നു ഞങ്ങളുടെ വിവാഹമോചനം. ലിസി പറയുന്നു.
വിവാഹമോചനം തന്നെ ഇത്രയും മോശമായ അവസ്ഥയിലാണെങ്കില് ഞങ്ങളുടെ വിവാഹബന്ധവും എത്രത്തോളം ബുദ്ധിമുട്ടേറിയതായിരുന്നുവെന്ന് ഇതിലൂടെ മനസ്സിലാക്കാം. ഇപ്പോള് ഒരു ആശ്വാസം ഉണ്ട്. വെല്ലുവിളികള് നിറഞ്ഞ വഴിയിലൂടെയുള്ള എന്റെ യാത്രയുടെ അവസാനമാണിത്. കൂടെ നിന്നവര്ക്കും സഹായിച്ചവര്ക്കും നന്ദി. ലിസി കൂട്ടിച്ചേര്ത്തു.
https://www.facebook.com/Malayalivartha
