12 മണിക്കൂര്‍ ഏറ്റവും കൂടുതല്‍ സ്ഥലങ്ങളില്‍ സന്ദര്‍ശനം നടത്തിയ സിനിമ താരമായി അഭിഷേക് ബച്ചന്‍ മാറി. ഹോളിവുഡ് താരം വില്‍ സ്മിത്തിന്റെ പേരിലെ റെക്കോര്‍ഡാണ് അഭിഷേക് തകര്‍ത്തത്.

അഭിഷേക് ബച്ചന്‍ ഡല്‍ഹി 6 എന്ന സിനിമയ്ക്ക് വേണ്ടി അത്തരമൊരു യാത്ര നടത്തിയത്. എന്നാല്‍ ഈ യാത്ര ഗിന്നസ് റെക്കോഡ് ലക്ഷ്യമിട്ടൊന്നുമായിരുന്നില്ല. താന്‍ അഭിനയിച്ച സിനിമയെക്കുറിച്ചു ജനങ്ങള്‍ അറിഞ്ഞോട്ടെ എന്നു മാത്രമേ കരുതിയുള്ളൂ.

സോനം കപൂറുമൊന്നിച്ച ഡല്‍ഹി 6 നു വേണ്ടി ഏഴു നഗരങ്ങളില്‍ സഞ്ചരിച്ച്, പബ്ലിക് അപ്പിയറന്‍സ് നടത്തിയാണ് അഭിഷേക് റെക്കോഡ് സ്വന്തമാക്കിയത്. ഏറ്റവും അധികം നഗരങ്ങളില്‍ സിനിമയുടെ പ്രമോഷനു വേണ്ടി സഞ്ചരിച്ച റെക്കോഡ് ആദ്യം സ്ഥാപിച്ചത് ഹോളിവുഡ് താരം വില്‍ സ്മിത്തായിരുന്നു.

2004 ല്‍ ഐ റോബോട്ട് എന്ന സിനിമയുടെ പ്രമോഷന്റെ ഭാഗമായി 2 മണിക്കൂര്‍ പൊതു പരിപാടിയില്‍ പങ്കെടുത്തായിരുന്നു നടന്‍ വില്‍ സ്മിത്ത് റെക്കോഡ് ഇട്ടത്. 2009 ല്‍ ഫെബ്രുവരി 22ന് ഉച്ചയ്ക്ക് 12.05ന് ഗസ്സിയാബാദില്‍ തുടങ്ങിയ അഭിഷേകിന്റെ യാത്ര നോയ്ഡ, ഫരീദാബാദ്, ഡല്‍ഹി, ഗുര്‍ഹാവ്, ചണ്ഡിഗഡ് എന്നിവിടങ്ങള്‍ കടന്ന് മുംബൈയില്‍ അവസാനിക്കുകയായിരുന്നു. 7 നഗരങ്ങളിലായി 1,800 കിലോമീറ്റര്‍ ദൂരമാണ് വെറും 12 മണിക്കൂറിനുള്ളില്‍ അഭിഷേക് കാറിലും െ്രെപവറ്റ് ജെറ്റിലുമായി സഞ്ചരിച്ചത്.