സിനിമാ മേഖലയിലെ ലൈംഗിക ചൂഷണമാരോപിച്ചുകൊണ്ട് തെലുഗു ഫിലിം ചേംബര്‍ ഓഫിസിന് മുമ്പിൽ വസ്ത്രം അഴിച്ച് പ്രതിഷേധിച്ച നടിക്ക് മൂവി ആര്‍ട്ടിസ്റ്റ് അസോസിയേഷനില്‍ അംഗത്വം നല്‍കില്ലെന്ന് ഭാരവാഹികള്‍ അറിയിച്ചു. അതിരുവിട്ട പെരുമാറ്റമാണ് അവരെ മാറ്റിനിര്‍ത്താന്‍ കാരണമെന്ന് അസോസിയേഷന്‍ ഭാരവാഹിയായ ശിവജി രാജ വ്യക്തമാക്കി.അസോസിയേഷനിൽ അംഗത്വത്തിന് നേരത്തെ അപേക്ഷ ഫോം നല്‍കിയെങ്കിലും പൂരിപ്പിച്ച്‌ നല്‍കിയിട്ടില്ലെന്ന് രാജ കുറ്റപ്പെടുത്തി.

താമസസ്ഥലത്തു നിന്നും ഇറക്കിവിടുമെന്ന് വീട്ടുടമസ്ഥന്‍ ഭീഷണിപ്പെടുത്തിയതായി നടി ഫേസ്ബുക്ക് പോസ്റ്റിലൂടെ ആരോപിച്ചു. അസോസിയേഷനില്‍ അംഗത്വം നല്‍കുന്നില്ലെന്നും തെലങ്കാനയില്‍ നിന്നുള്ള കലാകാരികള്‍ക്ക് തെലുങ്ക് ഫിലിം ഇന്‍ഡസ്ട്രിയില്‍ വേണ്ടത്ര അവസരങ്ങള്‍ നല്‍കുന്നില്ലെന്നും ആരോപിച്ചാണ് നടി ശ്രീ റെഡ്ഡി തെരുവില്‍ വസ്ത്രമുരിഞ്ഞത്.