പരസ്യമായി വസ്ത്രമഴിച്ചു പ്രതിക്ഷേധിച്ച നടിയ്‌ക്കെതിരെ താരസംഘടന
സിനിമയിലെ ലൈംഗിക ചൂഷണത്തിനെതിരെ പരസ്യമായി വസ്ത്രം അഴിച്ച് പ്രതിഷേധിച്ച നടി ശ്രീ റെഡ്ഡിക്കെതിരെ കര്‍ശന നിലപാടുമായി തെലുങ്ക് അഭിനേതാക്കളുടെ സംഘടന രംഗത്ത്. താന്‍ മൂന്നു ചിത്രങ്ങളില്‍ അഭിനയിച്ച ഒരു നടിയായിട്ടും പല തവണ ആവശ്യപ്പെട്ടും മൂവി ആര്‍ട്ടിസ്റ്റ് അസോസിയേഷനില്‍ അംഗത്വം നല്‍കാന്‍ തയാറാകുന്നില്ല എന്നായിരുന്നു ശ്രീ റെഡ്ഡിയുടെ ആരോപണം.
ഇതിനെ തുടര്‍ന്നു ഫിലിം ചേംബര്‍ ഓഫ് കെമേഴ്‌സിന്റെ ഓഫിസിനു മുന്നില്‍ നടി ശ്രീറെഡ്ഡി പരസ്യമായി വസ്ത്രമഴിച്ചു പ്രതിഷേധിക്കുകയായിരുന്നു. ഇത്തരം സ്വഭാവമുള്ള ഒരാള്‍ക്കു സംഘടനയില്‍ അംഗത്വം നല്‍കാന്‍ കഴിയില്ല എന്ന് തെലുങ്ക് അഭിനേതാക്കളുടെ സംഘടനയായ മൂവി ആര്‍ട്ടിസ്റ്റ് അസോസിയേഷന്‍ ഭാരവാഹികള്‍ പറയുന്നു.
ഇവരുടെ പെരുമാറ്റം തന്നെ സംഘടനയില്‍ അംഗത്വം കൊടുക്കുന്നതില്‍ ബുദ്ധിമുട്ടുണ്ട് എന്ന് എം എ എ ഓഫീസ് ഭാരവാഹിയായ ശിവാജി രാജ മാധ്യമങ്ങളെ അറിയിച്ചു. സംഘടനയില്‍ അഗത്വം നല്‍കുന്നതുമായി ബന്ധപ്പെട്ടു ശ്രീ റെഡ്ഡിക്ക് നേരത്തെ അപേക്ഷ ഫോം നല്‍കിരുന്നു എന്നും എന്നാല്‍ ഇത് പൂരിപ്പിച്ചു നല്‍കാന്‍ ഇവര്‍ തയാറായിരുന്നില്ല എന്നും രാജ പറയുന്നു.
അതേസമയം ശ്രീ റെഡ്ഡി ഇപ്പോള്‍ ഒരു ദേശിയ താരമായി മാറിരിക്കുകയാണ് എന്നു രാം ഗോപാല്‍ വര്‍മ്മ ട്വീറ്റ ചെയ്തു. മുംബൈയില്‍ ഉള്ളവര്‍ക്കു പവന്‍ കല്യാണ്‍ ആരാണെന്ന് അറിയില്ലാരിക്കും പക്ഷേ അവര്‍ പോലും ശ്രീ റെഡ്ഡിയെക്കുറിച്ചു സംസാരിക്കുന്നു എന്നായിരുന്നു രാം ഗോപാല്‍ വര്‍മ്മയുടെ ട്വിറ്റ്. പൊതുസ്ഥലത്ത് പരസ്യമായി വസ്ത്രമഴിച്ചതിന്റെ പേരില്‍ ശ്രീ റെഡ്ഡിക്കെതിരെ പോലീസ് കേസ് രജിസ്റ്റര്‍ ചെയ്തിട്ടുണ്ട്.
https://www.facebook.com/Malayalivartha
