ഒരൊറ്റ പാട്ടിലൂടെ ജീവിതം മാറിമറിഞ്ഞയാളാണ് പ്രിയാവാര്യര്‍. അഡാര്‍ ലൗ എന്ന ചിത്രത്തിലെ ഗാനത്തിലൂടെ പ്രയ ലോകം മുഴുവന്‍ പ്രശസ്തയായത് വളരെ പെട്ടെന്നായിരുന്നു. പ്രിയയുടെ കണ്ണിറുക്കലും ആക്ഷനുമെല്ലാം സമൂഹ മാധ്യമങ്ങളില്‍ വൈറലായി. ഇതോടെ പ്രിയയെ തേടി പ്രമുഖ ബിസിനസ് ബ്രാന്‍ഡുകളുമെത്തി. ഇപ്പോള്‍ പ്രിയയുടെ ഒരു പോസ്റ്റിന് തന്നെ ലക്ഷങ്ങളാണ് വില.

നെസ്ലെ മഞ്ചിന്റെ പരസ്യമാണ് പ്രിയയുടേതായി പുറത്തിറങ്ങുന്ന ആദ്യ പരസ്യം. മലയാളത്തിന് പുറമെ തമിഴ്, ഹിന്ദി, കന്നഡ, ബംഗാളി, മറാഠി തുടങ്ങിയ ഭാഷകളിലും പ്രിയയുടെ പരസ്യം ഇറങ്ങിയിട്ടുണ്ട്. നിലവില്‍ അരകോടിയോളം ഫോളോവേഴ്‌സാണ് പ്രിയയ്ക്ക് ഇന്‍സ്റ്റഗ്രാമിലുള്ളത്.

മലയാളത്തില്‍ തന്നെ ഇന്‍സ്റ്റഗ്രാമില്‍ ഏറ്റവും കൂടുതല്‍ ഫോളോവേഴ്‌സ് ഉള്ള താരമാണ് പ്രിയ. അത് കൊണ്ട് തന്നെ ഇന്‍ഫ്‌ളുവന്‍സര്‍ മാര്‍ക്കറ്റിലൂടെ പ്രയയ്ക്ക് ലക്ഷങ്ങള്‍ പ്രതിഫലം ലഭിക്കുന്നുണ്ടെന്നാണ് റിപ്പോര്‍ട്ട്.