ഞാന് സിനിമ വേണ്ടെന്ന് വെച്ചിട്ടില്ല... മണിരത്നം സിനിമ ഉപേക്ഷിച്ചതല്ല; വിശദീകരണവുമായി സായി പല്ലവി
മണിരത്നം സാര് എനിക്ക് ദൈവത്തെപ്പോലെ അദ്ദേഹത്തിന്റെ സിനിമ ഞാന് ഉപേക്ഷിക്കുമോ. എല്ലാം വ്യാജ പ്രചരണങ്ങള് മാത്രം. താരം സായി പല്ലവി, മണിരത്നം ചിത്രത്തില് നിന്നും പുറത്തായെന്ന് വാര്ത്തകള് വന്നിരുന്നു. ചിത്രത്തില് നായകനായി എത്തുന്ന കാര്ത്തിയുമായി ഇഴുകിച്ചേര്ന്നുള്ള കുറച്ച് റൊമാന്റിക് സീനുകള് അഭിനയിക്കാന് വിസമ്മതിച്ചതിനാലാണ് സായിയെ മാറ്റിയതെന്നായിരുന്നു റിപ്പോര്ട്ട്.
സായി പല്ലവിയ്ക്ക് പകരം ബോളിവുഡ് സുന്ദരി അതിഥി റാവുവാണ് നായികയായി എത്തുന്നതെന്നും റിപ്പോര്ട്ട് ഉണ്ട്. സെപ്റ്റംബറില് ഈ ചിത്രത്തിന്റെ ചിത്രീകരണം ആരംഭിക്കും. എ ആര് റഹ്മാന് ആണ് സംഗീതം. ഛായാഗ്രഹണം രവിവര്മന്.
എന്നാല് വാര്ത്തയുടെ സത്യാവസ്ഥ വെളിപ്പെടുത്തി സായി പല്ലവി തന്നെ രംഗത്തെത്തി. 'പുറത്ത് ഒരുപാട് ഊഹാപോങ്ങള് പ്രചരിക്കുന്നുണ്ടെന്നും അതിന് താന് തന്നെ കൃത്യമായ വിവരം നല്കണമെന്ന് തോന്നി. ഹൃദയമുള്ള ഒരാള്ക്കും മണിരത്നം സാറിന്റെ ചിത്രം ഉപേക്ഷിക്കാന് കഴിയില്ല. സായി പറഞ്ഞു.
'അദ്ദേഹത്തെപ്പോലുള്ള ഇതിഹാസസംവിധായകന് അറിയാം ആ വേഷത്തിന് ആരാകും മികച്ചതെന്ന്. എനിക്ക് മികച്ചതെന്തെന്നും ഒരു നല്ല വ്യക്തിത്വത്തിന് അറിയാനാകും. തിരക്കഥയില് വന്ന മാറ്റങ്ങള് അദ്ദേഹം ക്ഷമയോടെ തന്നെ പറഞ്ഞുതന്നു. മണിരത്നം സാറിനെപ്പോലുള്ള ഒരാള്ക്ക് അതിന്റെ ആവശ്യം പോലുമില്ല. മണിരത്നം സാറിന്റെ കടുത്ത ആരാധികയെന്ന നിലയില് ഈ ചിത്രത്തിന് വേണ്ടി എല്ലാവരെയുംപോലെ ഞാനും വലിയ പ്രതീക്ഷയിലാണ്. സായി പറഞ്ഞു.
തിരക്കഥയിലുണ്ടായ മാറ്റമാണ് നായികയെ മാറാന് കാരണമെന്നാണ് വിശദീകരണം മണിരത്നത്തിന്റെ വിശദീകരണം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha