രജനീകാന്ത് നായകനായി എത്തിയ എന്തിരന്റെ രണ്ടാം ഭാഗം ഒരുക്കുകയാണ് സംവിധായകന്‍ ഷങ്കര്‍. തന്റെ ചിത്രത്തിലെ ഓരോ കഥാപാത്രങ്ങളെക്കുറിച്ചും കൃത്യമായ രഹസ്യ സ്വഭാവം സൂക്ഷിക്കുന്ന വ്യക്തിയാണ് ശങ്കര്‍. എന്നാല്‍ ചിത്രത്തിന്റെ പ്രധാനപ്പെട്ട ട്വിസ്റ്റും കഥാപാത്രത്തെക്കുറിച്ചും ഒരു മാധ്യമത്തിന് നല്‍കിയ അഭിമുഖത്തില്‍ ബോളിവുഡ് നടന്‍ സുദാന്‍ശു പാണ്ഡേ പറഞ്ഞു.ഇത് ഷങ്കറിനെ കോപാകുലനാക്കിയെന്നാണ് റിപ്പോര്‍ട്ടുകള്‍. എന്തിരന്‍ ഒന്നാം ഭാഗത്തില്‍ ബോളിവുഡ് നടന്‍ ഡാനി ഡെന്‍സോങ്പാ അവതരിപ്പിച്ച പ്ര?ഫസര്‍ ബൊഹ്രയുടെ മകന്റെ റോളാണ് തനിക്ക് എന്നും, ദുഷ്ടമനസ്സുള്ള ഒരു ശാസ്ത്രഞ്ജനെയാണ് താന്‍ ഈ സിനിമയില്‍ അവതരിപ്പിക്കുന്നതെന്നും പാണ്ഡേ തുറന്നു പറഞ്ഞു.തന്റെ കഥാപാത്രം നിര്‍മ്മിക്കുന്ന റോബോട്ടാണ് അക്ഷയ്കുമാറിന്റെ കഥാപാത്രം എന്നും സുദാന്‍ശു പറഞ്ഞു. സുദാന്‍ശുവിന്റെ അഭിമുഖം കണ്ട് ഷങ്കര്‍ കോപാകുലനായെയെന്നാണ് റിപ്പോര്‍ട്ട്. സുദാന്‍ശുവിനെ ചിത്രത്തില്‍ നിന്നും പുറത്താക്കാന്‍ പോലും ഷങ്കര്‍ ആലോചിച്ചെങ്കിലും, അഭിമുഖങ്ങള്‍ നടത്തുമ്പോള്‍ ചിത്രീകരണം നടക്കുന്ന സിനിമയെക്കുറിച്ച് യാതൊരു വിവരങ്ങളും പുറത്തുവിടരുതെന്ന് ഉപദേശം കൊടുത്ത് ഒടുവില്‍ സന്ധിയായി എന്നാണ് റിപ്പോര്‍ട്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha